المشاركة الأصلية كتبت بواسطة ابن سرحان الثبيتي (المشاركة 885558) لله دركم ابن دحيم ارقا سمنود يا عايض روح ود العلم لخوانك عوض ومعيض ترانا فـي غنـا والسـوق لازلنـا هواميـره العمده متجلي تجارة نصف تجار الجزيرة فالبصل والبيـض وواحدهم سبايب نكبتـه مـن قـل تفكيـره من فتره طويله لم اقف على خصمه كهذه لا في الميدان ولا على شاشة النت صفقت لكم بحرارة مميزه وخمس نجوم

مرورك وسام

على الصدر

يا ابو ريان

ابيض وجه لاهنت

المشاركة الأصلية كتبت بواسطة خيال الصفراء (المشاركة 885633) يا سلام يا سلام يا سلام صحت السنتكم مليااااااار ابدعتوا ولا غرابه بيض الله وجيهكم على هالطارووووووووق ... ..

صح بدنك

شرفتنا طال عمرك

لاهنت

العمــــــدة

عشان الصورة اللي حـمضت في معمل التحميض=عليهـــــــــــا الفني اضفى لمسته وابداع تصويره
تجلت مشكلة ما بيـــــــــن قسم الطب والتمريض=وكلن جـــــــاب طبق اصل الشهادة معه والسيره

سلطان بن دحيم

عما الالوان حده لين حط السود مثل البيض = وحصلنا خطاء واضح وبين في تقاريره
ويمكن فيه ناس(ن) من هل الارهاب والتحريض =يوصونه على عكس الحقايق يالله الخيره

العمــــــدة

طبيعة ساحرة ما تقبل التطويل والتعريض=لو انا ما نسينا واجب الاسلام والجيره
فصول العام اشد ايامها يوم الشتاء والقيض=وفيها يعرفون الفرق فالدولار والليره

سلطان بن دحيم

اغني هيض يالعمده ترا ما جيت اغني غيض = ترانا كل ابونا يا وسيع العرف في ديره
لو يزينكم الحلاق بكريمات للتبيض = ما تنفعكم كريماته ولا تنفع تدابيره

العمــــــدة

تزينـّـا اللحا واشنابها واللي معه تفويض=دخل قصر الرياسة والشقاوي صابته حيره
وطا منزلك سيل العرم لكن دور التعويض=انا مما جرى لك بين تهليله وتكبيره

سلطان بن دحيم

ترا شرحك سرا ياللي من الفرحه ما عاد تريض = مفاتيح القصر ماهيب مع عامل بتأشيره
يا عايض روح ود العلم لخوانك عوض ومعيض = ترانا في غنا والسوق لازلنا هواميره

العمــــــدة

خبير البيت الابيض معه عرف يوصله ويفيض=يعرف الموتر اللي لا سرى تقرع مساميره
تجارة نصف تجار الجزيرة فالبصل والبيــض=وواحدهم سبايب نكبته من قل تفكيره

سلطان بن دحيم

حصل لك تذكره فالنقل يالعمده مع التخفيض = وكل السالفه يا صاحبي لفه وتدويره
ترا ما هوب حنا اهل البصل والبيض والحميض = صرفنا لك ذهب وشبك تقابلنا بقصديره

المشاركة الأصلية كتبت بواسطة محمد غازي النخيش (المشاركة 885685) اشهد بالله انكم مبدعين يالثنين محاوره ممتازه واكثر من ممتازه فتل ونقض على مستوى صح ألسنتكم يامبدعين

صح بدنك

شرفتنا يا ابو غازي

لاهنت