| معجب العتيبي |
05-Jun-2009 02:30 PM |
العمــــــدة
يا معجب سيفك اللي تعرفه في ساعة الشدات=علامك ترخصـــــه والقوم كراره وفراره
على الله يا زمان العـــــالم اللي تخلف النيات=الا يا مااطول العشرة والا يا مااسرع الباره
معجب العتيبي
لك الله ماجهلت بكلمتي يا طيّب البدعات=ولا ارخص سيفي اللي عن سيوف القوم مختاره
ردي الفعل مايحسب من اهل الطيب والوقفات=ولا نرضى بما يفعل ياعمدتنا طفت ناره
العمــــــدة
عيار البندقية من طرفكم ياهل الرايات=غدى راع الوفا لسلاحكم يا صاحبي شاره
تفرج بالعيون ولا لقيتك مع هل الردات=سواة محايد العربان لاشره ولاخاره
معجب العتيبي
ترا راع الوفا ياصاحبي ماينوصل بالذات=هذاه الاتهام اللي نكبكم دوروا غاره
تقول انت السبب وتعوّد تقول الخبر غلطات=ياعمده قبل لاتكتب نصيحه حط نظاره
العمــــــدة
لابالله وصلته من صوبكم سيه من السيات=لكن اليا اهتديتوا دوروا للذنب كفاره
عليك محلقين الدايرة يا باشه الباشات=تبرى من ثيابك وانت جنب دريول الطاره
معجب العتيبي
ترا الانسان يجحد ذنبه ويبطي على الجحدات=واخاف صحيبنا سوا سواته واعلن انكاره
انا في ديرتي من بين ربعي واطيب الحزات=وجودي بينهم في عزهم ياعمدة الحاره
العمــــــدة
يا معجب لا تلوى بالمعاني من ورى الشاشات=ترى الخط السريع الدايري صايدك راداره
غدرت الذيب مار الذيب حي ولا تظنه مات=لكن الناس عقب العيش كيف تكون غداره
معجب العتيبي
انا واضح صريح بهرجتي مادور اللفات=ومن يملك سفينة نوح مايحتاج سناره
صفاتٍ ماتجي من صاحبك ياراعي الزلات=نصيحه ياوسيع العرف صون القلب واسراره
العمــــــدة
اجل هات الحقيقة كان صادق يالعتيبي هات=من اللي تحت رجلين المشاة يحط مسماره
شعاع الشمس بيّن مار لا تطلب عليه اثبات=يبا ياصلك حتى لو تجي في بطن عباره
معجب العتيبي
يحطه واحدٍ لامن تكلم غيّر النبرات=ولامن جات حزة وقفته ينهاربه داره
ياعمده لو تشوفه كان ماراحت علوم وجات=لو ان عيونك الثنتين وسط الراس دواره
العمــــــدة
نسجلها على ذمتك والا ذمة الكروات=قضية كايدة فيها الجوير اللي رمى جاره
لو انا ما حسبنا يا وسيع العرف للشرهات=وصل بعض العرب من يمنا غاره ورى غاره
معجب العتيبي
نسجلها على ذمتك واخذ السالفه بسكات=ولا تخلف قوانين البلد وشعارك شعاره
واخذ مني نصيحه كرر الكلمه عشر مرات=نصيحه والنصيحه تشمل المجلس وزواره
|
