علي فلاح العضياني
يا مرحبا بأعزّ ترحيبه مليون ترحيبه=أهلاً هلا من قلب و لساني صحّ الله لساني
يا معشر الاجناب و عتيبه في موقع عتيبه=اللي يبا علي العضياني عان العضيّاني
ابن سرحان الثبيتي
دام البقاء والتمر فالعيبه ..بنفتش العيبه = ياصاحب جيته ولا جاني .. وش جاه ماجاني
اتمر مع مكه ومع طيبه .. والخير في طيبه = تزلها وتقول مامداني ..وش لون مامداني !!؟
علي فلاح العضياني
جاني خبركم مع مناديبه و انشد مناديبه=الله يعافيك و لا يبلاني يالله لا تبلاني
الضيف ما نهمل مواجيبه نكمل مواجيبه=و اللي ليا سيّر ما يلقاني لابدّ يلقاني
ابن سرحان الثبيتي
يابن فلاح العلم تدريبه... والناس تدريبه = سقطت فالاول وفالثاني ...ماتذكر الثاني!؟
الضيف ماحصل معازيبه ... قفو معازيبه!!! = يومن فنجالك تعداني ...ليه ايتعداني
علي فلاح العضياني
حنّا هدفنا دايم نصيبه نرميه و نصيبه=رح يا الغليّم لا تحدّاني كيف إتّحداني ؟؟؟
الحفل ما قمتوا بترتيبه يازين ترتيبه=تراك لو كنت ابن سرحاني ما انته بسرحاني
ابن سرحان الثبيتي
ان كان هذا ردك مصيبه ..ايو الله مصيبه = لكن بعديها على شاني ..عدت على شاني ؟
تبا ظلام الليل نسريبه ..وش فيه نسريبه =لا تلتفت وتقول ماداني .... مافيه ماداني
علي فلاح العضياني
الصاحب اللي فاضيٍ جيبه آحطّ في جيبه=و أعطيه ممّا ربّي أعطاني من فضله أعطاني
تراك لو دوّرت تجنيبه ما فيه تجنيبه=حتّى تذكّرني ما تنساني ما عاد تنساني
ابن سرحان الثبيتي
استغفر الله ويش اسويبه .. مدري شسويبه = الياذبحته بالمريكاني ..ثار المريكاني ؟؟
لكن ابقطع عراقيبه ... واشذب عراقيبه= حتى ليا ناديته اوحاني ... لو كان ماوحاني
علي فلاح العضياني
مثلك ليا من قلّ تاديبه قمنا بتاديبه=انا أعتبرك بحسبة اخواني مثل أصغر اخواني
الشّذب و النمّات و الغيبه عادة هل الغيبه=ما هيب من طبع أهل الإيماني لضعاف الإيماني
ابن سرحان الثبيتي
دوب العضياني بدا شيبه .. لكن واشيبه = تحسب وتحسب وانت غلطاني لازلت غلطاني
والسيف في جنبك مضاريبه ..بانت مضاريبه = لا تحسبن الناس عمياني ...ماهم بعمياني
علي فلاح العضياني
يالربع إبن سرحان يا طيبه و الفعل يا طيبه!!!=يرمي بلا حبّه و نيشاني ما فيه نيشاني
ما في يدك سيفٍ تماريبه ياللي تماريبه=إهرج مدام الهرج مجّاني تراه مجّاني
ابن سرحان الثبيتي
هذا طريقك وانت ماشيبه ... وشلون تمشيبه = وتقول مدري وين وداني ..ولوين وداني
لكن نصيحة كان مزريبه ..وان كان مزريبه =لا عاد تمشي وانت فحماني لاصرت فحماني
علي فلاح العضياني
اللي غدا لا يشمت صحيبه وا بلشة صحيبه=من واحدٍ ما كان خاواني لكنّ خاواني !!!!!
غصنٍ هبوب الريح تومي به من حيد تومي به=أبقطعه من بين الاغصاني و أكبّ الاغصاني
ابن سرحان الثبيتي
ابن فلاح ان جيت القيبه ...من وين القيبه = وانا عيون القوم تحداني والبيت يحداني
ماكل طاروق ٍ نغنيبه.. علي يغنيبه = الله يرحم جدك الفاني ...وانته معه فاني
