حاكم الغنامي

الليل ياقادح شرار ابغيك يالوجه الغضيب=ياللي مكانك بيننا يشبه وجوده بعدمه
عجزت احدد موقعك لنته بعيد ولاقريب =اصلا حياتك كلها مكتوبةٍ بالمرسمه

قادح شرار

الليل يا حاكم وأقول المرجله حظ ونصيب = ومن لا يحوز المرجله .. يقرب وأنا بعلّمه
ما همني هرجك .. وأنا ضارب على هرجك صليب = من شاعر ٍ هرجك هذه يا صاحبي تحت قدمه

حاكم الغنامي

اللي يشوف اسمك يقول انك ولد حجنه شبيب =وش رايك اسمك ياولد عمي تروح وتطخمه
انا ادري انك ياحجازي لانياق ولاحليب = في كل وادي جرته يتبع بهيمه وغنمه

قادح شرار

والنعم في ّ وفي ولد حجنه .. وفوق الطيب طيب = اسمي يشرّف ... مير هذا الخبل كيف نفهّـمه
أنته مردّك عندنا ... ولا نسيتوا يالحبيب = ولا ّ الغنم حتى رسول الله رعاها بقدمه

حاكم الغنامي

الظاهر انك يالثبيتي منته ابناوي تطيب =لين ان حاكم نص خدك يشتويه بميسمه
انا مردي للجبل وشلون اعود للشعيب =في قمةٍ فيها نوادير الحرار مخيمه

قادح شرار

لا والله ألا رحت يا حاكم لحم ..في حلق ذيب = من سفهه عقلك لا لقيت الضلع رحت >> وتصدمه
فوق الجبل مافيه غير الذيب ويقنـّب قنيب = مال الطيور خيام .. يا اللي كل هرجك همهمه

حاكم الغنامي

عاد الحقيقه كل ماشفتك طرى شيٍ غريب =رحت اتذكر زيد ابن سلمي بدمه ولحمه
انته مثل زيد العضاله لآرشا ولامن قليب =والمشترك بينك وبينه دمكم دم حلمه

قادح شرار

وأنته ليا منك بغيت الصدق .. مني يالصحيب = خليف ابن دواس في طبعك... بلحمه وشـّحمه
قبل إن حقك لا يضيع .. وثم يغدي لك ذهيب = فزّ بحلالك لأجل تنعم به وتنعم بطـّعمه

حاكم الغنامي

دنيا تقلب من عقب جساس يذبح في كليب=اللي منول طول عمره مع جنوده يخدمه
اليوم ياقادح نبتلك ريش ودقين وشنيب =واللي سواتك لو يطول الوقت حاكم يحكمه

قادح شرار

دنيا اتقلّب يا رجل .. والله على خلقه رقيب = من عاش فيها في كَبد ....ومن مات ربي يرحمه
من قشرها ما شفت نفسك ..دون شك ودون ريب = تدحم فقادح .. وأنت نـُقـّطة حـِبـّر في رأس قلمه