الهيـــــــــــــلا *** منتدى قبيلة عتيبة - الثلاث اللي تبرك للحمول جمالها !!!!

سلطان الجذع

يامرحبا بالشاعر اللي كل مطلوبه لقاه=الا الثلاث اللي تبرك للحمـول جمالهـا
أليا عطيته وحده تقصر عن الاخرى يداه=وأليا تركته عقل السابق وشد عقالهـا

سعود العصيمي

دام البقاء ياشاعرٍ قدرك تبا تقلط علاه=والكلمة اللي مخطية فال الله ولا فالها.
ياللي تمد كراب كفك للعرب تاخذ مـلاه=وانته عروقك فالندى والخيل من خيالها

سلطان الجذع

تصعب دروب العيش للي ماعرف سر الحياه=ياما ويامـا مـن ليـالٍ مايهـل هلالهـا
العلم في عد الروى كنه تغيّـر طعـم مـاه=الله واكبـر يالسوانـي والدلـي وحبالهـا

سعود العصيمي

من لاتعب للمرجله بيت المعزه مابنـاه=واللي معه حيله ياسلطان الجذع يحتالها.
عد الروى من يارده لابد مايقطع ضماه=المشكله فأم الكباير مـن يعـد عيالهـا

سلطان الجذع

طويق فوقك ظلة الداجي ومن تحتك حصـاه=الهيل ياصفر الدلال اللـي مشـى فنجالهـا
ترى الرعيه ماتضيع الا من أهمال الرعـااه=وانت أكبر الرعيان وانت أكبر سبب فأهمالها

سعود العصيمي

دون الحمى حال المحامي وانت تقرب من حماه=لاتقرب من النار وانتـه ماشريـت ادلالهـا.
يامصليٍ صليـت ماوضيـت تلزمـك الصـلاه=والله وكيل الناس ويجـاز العـرب باعمالهـا

سلطان الجذع

ياكبر ذنبي كل حين ألقمـك جمـرة غضـاه=وانت أجودي مهما نكبـر حملتـك تشتالهـا
الحب كله سوس ليه أتعب ... وأدوّر له رحاه=في يدين فقراً مثل حالـك مايسـرك حالهـا

سعود العصيمي

لو ان إبه شمسٍ بدأت من امس من فعلك هذاه=تبا تموت وعلتـك وسـط الكـلا واطحالهـا.
الفرق بيّن بين وجه الفقر من وجـه الغنـاه=وانـا بفضـل الله مكـرّم لحيتـي واسبالهـا