| معجب العتيبي |
08-Jul-2008 12:47 AM |
سلطان الجـذع
قرّب هنا يالشاعر اللي مالك من أسمك نصيب = معجب ولكن الحقيقه مااحد أشوفك معجبه
حاول تطلعها الجبل ياللي محدرها الشعيب = قبل تصب الكيف لاصحابك وترجع تشربه
معجب العتيبي
ماغبت ياسلطان فالميدان موجود وقريب=يالشاعر اللي تعجب الاصحاب حالك مااصعبه
مادمت تطمع فالجبل ياصاحبي مالك طبيب=مالك طبيبٍ فالحياه الا خويٍ تقربه
سلطان الجـذع
ماغبت لكن !! وش تودي من علوم ووش تجيب= عين العقل عيت تشوف الخط ياللي تكتبه
الاولة حنا ذراك ليا عوى ذيبٍ لذيب = والثانيه ياصاحبي فقّد علومك وانتبه
معجب العتيبي
وشلون تنشد وانت ياسلطان رجالٍ لبيب=والا طبيعه فيك حق اللي تحبه تسلبه
الاوله مغنيني الله عنك فالوقت الصعيب=والثانيه علمٍ خفا..ياصاحبي وش تطلبه
سلطان الجـذع
دوب اصتغى ميزانها بين المنادي والمجيب= ياكبر حجم الاسئله ,,,ياصغر حجم الاجوبه
والثالثه والرابعه ياما غدى لك من ذهيب = ياليت معجب يحفظ الباقي عسى الله يذهبه
معجب العتيبي
مدري وراك تعاند اهل العرف والراي الصويب=يالشاعر اللي معـك عقـلٍ ماتفكـر تتعبـه
والثالثه والرابعه يا اصحابنا وضعـه غريـب=للهاويه للهاويـه يالربـع شوفـوا مااقربـه
سلطان الجـذع
يمديك واكبت بعلوك كوكبٍ فوقك رقيب = مدام فعلك يستر اللي بالخضاب مخضبه
لكن يابو سلطان هرجك ياعجايب ياعجيب = الضيف وانا أخوك يدري عن حصيل معزبه
معجب العتيبي
نور القمر والشمس من فوق الكواكب يالحبيب=ياللي فعولك جات مدري درس والا موهبه
فعلي يسدك عن كلامي قبل يلحقك المشيب=والضيف وقته ضاع ياسلطان يفتل فشنبه
|
