معجب صنع له طايره سواقها ماله شنب=يعني على ماقيل من جاملك بالله جامله
لا ياحبيبي مايوصي حب توصاته غضب=سلطان رجلٍ عنصري وانته لك الله تزعله

السايق المذكور ياناصر كلا والا شرب=مدامك انت اللي معه فالطايره ومزامله
خل الجذع ياصاحبي ترك المقفي فالادب=والدين ياناصر تراه مجامله ومعامله

ناصر الجلاه

الشعر ماهو عسكريه يندرج حسب الرتب=الشعر نقض وفتل يا أما تنقضه ياتفتله
معجب ملازم بس أنا جندي ليا حان الطلب=آقف مواقيف ألويه وازحفه وابهذله

معجب العتيبي

الشعر معنى والبيوت حروف واللاعب لعب=واللي على معنى لعب ماهو مثل من يجهله
العسكري يمنع وصول الدم لأطراف الركب=وان كان مايمشي على حسب النظام نعدله

ناصر الجلاه

ترى البلا في كربلاء وانته اتضح فيك التعب=لكن سر الليل يامعجب وحملك واشتله
وش رايك إنا لونشب النار ونزيد الحطب=واللي تضيع ابه الهقاوي عن شداده حوله

معجب العتيبي

المنهزم ياصاحبي ماهوب مثل اللي غلب=لكنّ قرب حملة شعيل وتقهقر وازهله
لاحانت الطرقه ترا صاحبك ماحوله عتب=بس انت قلي لازم اصحابك عساك تكمله

ناصر الجلاه

كلٍ على لحن الطرب ياصاحبي قام وطرب=المشكله فاللي تجمل مار ماالله جمله
قد قالها مقعد يامعجب مالك ومال النشب=كلٍ من العربان أله قدر ومكان ومنزله

معجب العتيبي

اللي يغني فالزمن ياصاحبي مخه ضرب=وليا ضرب مخه يموت ولا استفاد من عمله
من صدق المجنون ياناصر مع افكاره نشب=وان كان وصاك الجذع ياصاحبي لاتخذله

ناصر الجلاه

اللي ملاء واللي حفظ واللي قرأ واللي كتب=لكن ياضابط خفر دوك الامور مخوله
الجذع وصاني يقول أرفق على معجب .. عجب=سلطان متعصب معك والله يخليه لهله

معجب العتيبي

اللي كتب ياصاحبي ماهوب مثل اللي شطب=واللي شطب وده طريقه في حياته بدله
سلطان ياناصر يوصي للعجم قبل العرب=مدري وصية حب والا ياحبيبي منذله

ناصر الجلاه

معجب صنع له طايره سواقها ماله شنب=يعني على ماقيل من جاملك بالله جامله
لا ياحبيبي مايوصي حب توصاته غضب=سلطان رجلٍ عنصري وانته لك الله تزعله

معجب العتيبي

السايق المذكور ياناصر كلا والا شرب=مدامك انت اللي معه فالطايره ومزامله
خل الجذع ياصاحبي ترك المقفي فالادب=والدين ياناصر تراه مجامله ومعامله