هذي تراها تسجّل بالقلم وسط الدواوين = يالين دقن الجذع لاشافها يزداد شيبه
جيب اليتيم اكتشفنا داخله حيّه ودابين = والبندقيه بفضل الله ثارت فالضريبه

يوم الوفاء في سلوم اهل الوفا ياصاحبي دين =كم واحدٍ لو تسوي فيه معروف يغدي به
اللي زرعته حصدته ,,والعوارف عنك دارين=وبندقك ياصاحبي عوجاء هدفها ماتصيبه

العين بالعين والموضوع كله بين قوسين = وانته هروجك دخلها يالجذع شك ٍ وريبه
إن كان زمت رصاصه جبت لك شلفى وسيفين = والناس شافت شداد الشيخ في ظهر النجيبه

المشاركة الأصلية كتبت بواسطة قبلان الدعجاني (المشاركة 625386) العين بالعين والموضوع كله بين قوسين = وانته هروجك دخلها يالجذع شك ٍ وريبه إن كان زمت رصاصه جبت لك شلفى وسيفين = والناس شافت شداد الشيخ في ظهر النجيبه

سلطان الجـذع

سلام تسليمه معها يقرن الموازين =وأخص فيها الصحيب اللي تغيًر مع صحيبه
يالشيخ قبلان من يومك تزعمت الدعاجين =ماانته بريٍ من التقصير مع باقي عتيبه

قبلان الدعجاني

يامرحبا وانت غالي يالجذع من ناس غالين = ياصاحب ٍ لاحتمى الميقاف حنا نعتزيبه
عليك بالصبر ياسلطان والخافي يبا يبين = ياذيبنا اللي نبا نلقاه في داخل قليبه

سلطان الجـذع

حنا لو انا فركنا الخشم سالت دمعت العين =وانته جرحت إلك جرحٍ ماانت بمحصل طبيبه
لو أني أدعي علاك تموت برقا قالوا : آآآآآمين =والروقه تجهز إلك القبر مركوز النصيبه

قبلان الدعجاني

ترى الوعد يالجذع من بيننا ذيك الميادين = ياشاعر ٍ جر صوته بالطواريق العجيبه
إن مات قبلان غيره ياوسيع العرف عشرين = وش حيلتك في رجال ٍ دارها مكه وطيبه

سلطان الجـذع

خل الوعد والعهد لاهبت رياح الخماسين =وإن رادها الله ,,,تحقق في ليالينا القريبه
لابد ماينكبك ربي مثل نكبه فلسطين =وان كان بعدك يجي مثلك !!!ترى ماهي غريبه

قبلان الدعجاني

الظاهر إنا نبا نلقاك ريس للمجانين = في داخل اشهار كنك يالجذع قايد كتيبه
صدام لاتامنه .. مامات يرجع لك بعد حين = ويصير بوش المريكي من مصيبه في مصيبه

سلطان الجـذع

ان كاني انا عتبر مجنون ما فالارض صاحين =لكن قبلان مايطري على باله يجيبه
نقول شيخ وتبا تمسح على روس المساكين =وانته تمر اليتيم وتدخل يدينك بجيبه

قبلان الدعجاني

هذي تراها تسجّل بالقلم وسط الدواوين = يالين دقن الجذع لاشافها يزداد شيبه
جيب اليتيم اكتشفنا داخله حيّه ودابين = والبندقيه بفضل الله ثارت فالضريبه

سلطان الجـذع

يوم الوفاء في سلوم اهل الوفا ياصاحبي دين =كم واحدٍ لو تسوي فيه معروف يغدي به
اللي زرعته حصدته ,,والعوارف عنك دارين=وبندقك ياصاحبي عوجاء هدفها ماتصيبه

قبلان الدعجاني

العين بالعين والموضوع كله بين قوسين = وانته هروجك دخلها يالجذع شك ٍ وريبه
إن كان زمت رصاصه جبت لك شلفى وسيفين = والناس شافت شداد الشيخ في ظهر النجيبه