ابو نجر
الليل توّه ومسرا الليل بالهيلا=لا بد نرضي جماهير المحل حيلا
وان كان به ميل حنا نعدل الميلا=الارض بجبالها والدار برجالها
يا سلامي سلام(ن)ينثني للرجال=والمواقف شهيره تحكم ارجالها
يالسميري تقدّم بعد جالك مجال=ودّي آخذ معك وانته على فالها
السميري
الليل توه وانا عالي على المرقب = لجل الجماهير ذا الليله لها مطلب
حنا لها كان جانا يومها الاشهب = الارض بجبالها والدار برجالهـا
مرحبا مرحبابك من رحابٍ جزال = والرجال الشجيعه تعرف افعالها
جيت يمك وسجيت القدم قم تعال = جيت مع فالها يقفا لك اعقالها
ابو نجر
انته ترز العلم في عالي القمّه=و اتقول يالله هنيّا ودّنا بلمّه
يا طيب الساس مدري طيب الغمّه=الارض بجبالها والدار برجالها
البقا والبقا بك يا كريم البسال=مار ناخذ علوم(ن) تشرح اجزالها
يالسماري لك الله دوك علمي سوال=ليش تفعل علوم(ن)بيّن(ن)حالها
السميري
انادي الناس لجل الناس تشهدها=مااعبد وجيه العرب ماني بعابدها
اعرف هقاويي يارجال مبعدهـا=والارض باجبالها والدار برجالها
يالنفاعي تفضل والك كلمه تقال=والرجل يحسب احسابه ليا قالها
بينٍ(ن) حالها مالك عليها محال=خل بعض االعلوم ومالك ومالها
ابونجر
مالك ومال المنادى خلك ابحالك=محد(ن)بيمّك ليا جريت موالك
لا كنّ يا صاحبي لا تقصر احباك=الارض بجبالها والدار برجالها
يالسميري مدام الملعبه للجمال=والجمل يا صحيبي حكم جمّالها
انت رمز الوفا مار الوفا ما يزال=مار طمعتك كبرا منت في جالها
السميري
ماني بجر اللحن مطرب وفناني = كلٍ يعرف السميري مايجي ثاني
لك ماقفٍ معي ماظنيت تنساني = الارض بجبالها والدار برجالهـا
الجمال العنيده تنعسف بالحبال = يربط ابخشمها ويدق في جالها
الوفى للوفي من طيب عم(ن) وخال = مايجي للمناصب كود عقالها
ابونجر
انا علومي على وضح النقا يا صبي=وانته لنته ملك ولا ومير ونبي
اهجد وعقل ركابك زين يا صاحبي=الارض بجبالها والدار برجالها
الرشا يالسميري صار فوق المحال=جوّدته الرشاه وجاد محّالها
انت خل العرب لا تبتلش بالجبال=والجزيره رست يا رجل بجبالها
السميري
ماني نبي مار كلٍ يعرف احدوده = اعرف عقد الحبل واحل معقوده
بعض العرب مايبى الا لازم انقوده = الارض بجبالها والـدار برجالهـا
انت وش بك علامك ضعت يابن الحلال = مالقيت الحيل وانته حيالها
الجبل من مكان لازم انه يشال = الجبال الطويله نجمنا شالها
ابو نجر
ان كان تبغى تدير المنتدى ياخي=منته بدايره دام المشرف ابناخي
والسيف شامان يا رجّال متراخي=الارض بجبالها والدار برجااالها
وابك انا اامهلّ لها واللي تقوله محال=شدو احبالها والا ارخو احبالها
دام راسي هنيّا ومحتمي بالسلال=والله ان الجبل ثابت بمنزالها
السميري
لو كان ابى الضلع ماجيناه من غادي = اعرف محدار رجلي واعرف اسنادي
تاخذ فتامين ماتنفعك يالغادي = الارض بجبالها والـدار برجااالهـا
روحوّا شرق وانته رحت يم الشمال = صرت بيمينها ثم صرت بشمالها
ابك دمك علاها يالنفاعي يسال = من سيوفٍ صقيله يالها يالها
