يالطيف الروح دامنك نصيبي=جود عهود الهوى ورفع مقامي
لاتخليني مثل راع الذهيبي=مر شرق ومر غرب ومر شامي
متعبن حالي ومتعبني صحيبي=وصايمن في حل محدن فيه صامي
ياطبيب العشق يومنك طبيبي=وش علاج اللي توهق فالغرامي
مادرى هو مخطين والا مصيبي=ساهرن فاليل والعالم نيامي
والسبايب واحدن جرحه عطيبي=من فقد عقله بحبه ما يلامي
المشاكل تبتدي كل ما تغيبي=ليش تاخذ عقلي وتخلف نظامي
انت لو منته بصيل ولا عريبي=كان ماعنيت مع دربك قدامي
لو طلبت عيون مقبول العتيبي=جتك مني قبل ما اوفي كلامي
كني اللي فالجبل يقنب قنيبي=في ديارن كلها جوع ومظامي
ودي افارقك لاكن ياحبيبي=صرت هايم فيك يالذة هيامي
قلت ياجرح الهوى متى تطيبي=قال توي مانصبت اول خيامي
هلت ادموعي على خدي صبيبي=اثر باق هموم وجروحن جسامي
كان مالديتلي قبل تغديبي=مثل ما قالو على الدنيا السلامي