| سعود العصيمي |
20-Nov-2011 03:55 AM |
عيد العازمي=
سلام قومٍ مومنين وللعصيمي من عدم=اسوقله سلك الوصل والا عبارات النّعي!
يامنتدى العتبان طاريك القديم 1000ونعم=واليوم مدري وش بقي منها ووش يرجع معي!
سعود العصيمي=
يامرحبا ترحيبة اللي يحتمي حمـر النعـم=اقولها واسمع بسمعك والاوادم تسمعـي!!
البيت مايبنيه غيـر السـاس والا ينهـدم=وان كان عندك علم قلي ويش هوبه تدعي
عيد العازمي=
اصلاً سلامي يالعصيمي للعظام بلا لحم=ءعن المقابر واهلها منته بغاية مطمعي!!
بهّر دلالك وان لقيت اللي له الاول قسم=علّم سرية عكرمه لاتكمل اشواط السعي!!
سعود العصيمي=
العظم مايصلح لمثلك ياابيض الشارب عظم=خله لقوم المقبره واهل الربيـع تربعـي!!
تراه قسم اللي منول عندهم بعض الحكـم=هذا جوابي وانت رجال ٍ معك فكر وعي!!
عيد العازمي=
ماهيب يمّك وانته اللي كنت خفّاق العلم=واليوم كنّك من صدوف الوقت عام مروّعي!!
كانت فياض وذود والجمال مشهور الكرم=واضحت تخفّي روضها ام قرين من دفن ورعي!!
سعود العصيمي=
ماني على ماتشتهي ماقلت لك فالعلم تم=ابا اشبع السرحان وطيور الفلاه توقعي !!
الحر مايكفي عنه ياعيد وز ولارخـم=والنار تاليها الرماده والحقيقه تقنعـي!!
عيد العازمي=
تبرد حسوفك ساعتين وعاودت ريع الندم=مثلك مثل من جاش صدره بالجزيل مولّعي!!
لو العصيمي في بداياته من الغبّه سلم=ساعة مطيحه قرّبت من قوم صيحه وفرعي!!
سعود العصيمي=
يالعازمي بعض الوجيه من الحياء مافيه دم=مال التعب مخلوف وان ماضر ماهو نافعي
الحر الاشقر للطيور البرق ماعمره خدم =والحنبلي في مذهبه ماهوب مثل الشافعي. !!
|
