سلطان البقمي والله اني اعتبرك عاقل لين شفت ردودك تالي الايام

الله يهديك

محاورة خلف والجبرتي

الناس حطوها على خلف لكن اللي حضروها قالوا ماهي من خلف وخلف كان حاضرها صحيح

واللي قالها شاب من اهل الحفل

واللي يقولون خلف تعرف من باب انه مشهور ابن هذال ابن هذال وركبت السالفه لاغير

والله ياكثر قصص اسمعها حطوها الناس على غير شعارها

ولكن اشتهرت ولا يمدي احد يغيرها

بعض اخويانا من القبايل يستغلون هذا القسم لان النقاش مفتوح للجميع ويحاولون يقللون من رموزنا

اللي ما يدخلنا شك فيهم

وبالصراحه لو رجعنا لمنتدياتهم مالقينا غير المجاملات ومشكوووووووور وتسلم واي بالله عطاه الصالي


ولو احد قال رايه بصراحه عملوا اللي مايتعمل

الله يخلي عتيبه وعيال عتيبه ويحفظ لنا حكامنا ال سعود

تحياتي

اسمع وانا خوك انا ماقلت حاضرها قلت كلام الرواة وانت راجع كلامي زين



بالنسبه للبيت ماله رد اطلاقاً سواً خلف ولا غيره



ويكون في علمك والله العضيم والله العضيم ان خلف يشرف كل سعودي


واعتبره ابن عمي الأن الطيب اعتبره ابن عمي يعلم الله


لكن النقاش في الفتل والنقض اما اسم الشاعر المقابل مدري عنه بضبط


كلام رواة واجد يقولون خلف انا ما حضرتها وسبق وقلت رواة مالك


حق تهاجمني قل الرواة غلطانين وخلاص



تحياتي

بيض الله لحيتك ياسلطان

امانه معك علم بها في كل مجلس انها ماهي على خلف بن هذال

امانه في رقبتك الى يوم الدين كل ما ذكروها عندك علم بالصحيح وقلت غلط من الرواه

انت تقدمت للطيب وتحريبه وجاتك الامانه وانت قدها

من ناحيه كلامك خلف يشرف كل سعودي والله انك صادق ولاعليك زود

من ناحيتي العتبان عيال عم وشرواك من القبايل عيال الخال

وحنا اخوياك ياسلطان اعتز بنا وحنا نعزويك يارجال

تحياتي ياسلطان

اول شي اشكرك على تفهمك في النقاش

وثاني شي والله والف نعم بالعتبان الطيبين


وابشرك انا اخوان في الاسلام من فضل الله علينا


ثالث شي والله العضيم والله العضيم انني في نقاشي ومقصدي هو



عن النصوص مو في الا سما مثل تحليل بيوت المحاوره والله العضيم


مابيني وبين شعار عتيبه إلا العلم الغانم بمافيهم الزلامي صاحب خاص لنا


دايماً يجينا في محلاتنا ويعرفنا معرفه تامه ويعرفني معرفه شخصيه للمعلوميه



وقلبي نظيف ودليل لو ان عندي مشكله مع شعاركم

جبت طواريق شعار البقوم مع شعاركم وهذا يدل على حقدي لو اني حاقد !



لكن مالي ورا الناس حاجه لخذولنا حق ولا خينا لهم حق


امس نتنا قش في محاورة مستور والميزاني وطال النقاش وغلب الا عضاء يقول


نبيك تحللها وقلت ماني محلل وصروا بعد نقاشات طويله وقالي راعي الحميا


حللها عشان نبي نستفيد من نقاشك وقلت ابشر وحللتها

وبعد التحليل وبعد الناس اطلعوا عليه طلعلي عضو يقول طيب انت شنو


تبي من شخص ستور اترك المحاوره؟ هههههههههه رجع على كلام شخصي



والله مدري كيف افسر كلامه نقاشنا فتل ونقض ورجل فالاخير دخل في


موضوع شخصي الناس ماهي سوا في التفكير لكن والله العضيم



ان قلبي مايحمل غضب على اي اسم من هذه القبيله سواً شاعر او غيره



تحياتي لكم

أفا يا سلطان
مررها عليك العفريت


والله يا سلطان بغض النظر عن نظرة
الآخرين لمداخلاتك

إلا إني أحس إنك رجال محترم وشاعر
وعلومك غانمة

لالا مامررها منتبه لها وقلت العتبان الطيبين!!!! انا لا زم اقول الحق والحق يقال للرجال ولا يقوله إلا رجل يعرف معنى الرجوله


انا قلت اللي يرضي الله ويرضي ذمتي



وسلامة الطيبن

هذا كلامك انت! والله اني كنت اطمع فيك بالحنكه وكبر العقل



لاكن بعد هذا فسر على كيفك الكلام معك والحلف معك والعذر منك


اصبح لا فايده منه ولا رايح تقبله لذالك فسرها على مزاجك

امنعنا من الرداء ياراع الحميا

ترى ماهي وحده فيه غيرها


اخوي الغالي سلطان البقمي

اتمنى انك تسامحني

انا ماني محلل لشعر المحاورة مثلك ولكني متابع وبحكم التأثر بعض الشي حبيت اسوي حركه

اشوف اكتشافاتك للمعنى والالغام من شأن ارضي نفسي واقتنع بتحليلاتك لا اقل ولا اكثر

اتمنى تسامحني ويسامحوني الاخوان على الانانيه مني

الله يرحم ايامك يانادر العش

تحياتي للغالين عيال العم و عيال الخال

ضنك انها تبي تمشي علي عيال العم وعيال الخال وبيص الله لحيتك. ماتمشي ودري انها من شخص

مسويه حركه على قد عقله

لكن انا كلامي يقراه الطيب اللي يهمني مو انت انت مجرد صفحة موضوع


كلامي يعني غيرك ويفهمه لو انت لوحدك في هذا المنتدى لا يمكن ارد عليك


لكن في عيون تناظر كلامي مع النافذه وهو المهم



تحياتي لهم