الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعر المحاورة (http://www.otaibah.net/m/forumdisplay.php?f=52)
-   -   ابو فهد يالدبلوماسي (http://www.otaibah.net/m/showthread.php?t=127075)

مرزوق حمدان العتيبي 14-Jun-2011 01:55 AM

مرزوق
ياعلي بنت تال الوقت مافيك حيله = واول الوقت ياولد الثبيتي مغيّب
صدق من قال مافي هالزمن مستحيله =وأطيب الناس يحسب كل رجال طيّب

علي

الخطا من عقيد القوم عيب وفشيله=والحراكات عيب من الرفيق القريب!!
هات مده جزيله واخذ مده جزيله=امش منهاج ابو تركي ومنهج حبيب!!


مرزوق

انت بعض الدعاوي تتخذها وسيله = لن صاحبك ماقال الكلام المعيّب
اخذ مني نصيحه والتزم بالفضيله = الفضيله نجاتك بالنهار المهيّب

علي

انت ودك تشب النار خشم الفتيله= مار راجع حسااااابك قبل راسك يشيب!!!
النصيحه تجي بين العميل وعميله= سر ياحلوها مثل العسل والحليب!!!


مرزوق

ماسعانا لشب النار بين القبيله = مار بعض العرب شفنا بها الظن خيّب
ضاع بعض العباد وضيّع الله دليله = يحفر الساس خاوي راس مقطوع صيّب


علي

عندي اخباركم ياهل السراة وبجيله=ماجهلنا العرب فيهم صدوق وكذيب!!!
صافي الجم ماتغطا عليه النثيله=وانت لغزك يابوحمدان ماهو صعيب!!!


مرزوق
عندك اخبارنا والبرق واصلك سيله = اعرف انك خطير ولو تسوي حبيّب
مابقى غار احطك فوق حام المليله = لين تعرف حلال الناس ماهو مسيّب

علي

يازمان العجايب فيك صفقه وميله=من سبايبك ضايق كل صدرن رحيب!!
الاسد والنمر صارت تخاف الحسيله= والحصاني بتال الوقت قامت تذيب!!


غالب الذيابي 14-Jun-2011 01:57 AM

:
:
:
:


صحت السنتكم طاروق حامي .. بيض الله وجيهكم

:
:
:
:

علي الثبيتي 14-Jun-2011 02:00 AM

ارحب ياغالب وصح بدنك ووجهك ابيض

علي الثبيتي 14-Jun-2011 02:23 AM

جميع من شرفنا لكم كل الود والاحترااااااااااااااااااااااااااااام

وتصبحون على خيـــــــــــــــــــــــــر

مرزوق حمدان العتيبي 14-Jun-2011 02:33 AM

..

الاســد والنـمـر صــارت تـخـاف الحسـيـلـه
والحصانـي بـتـال الـوقـت قـامـت تـذيـب!!

صح صح الله الله :)
.

صح الله لسانكـــ يابو فهد والمعذره ....
جاني اتصال مافكني الا 12 اللا عشر

..


الشاعر الجزل غالب صح بدنك ... وشرفنا حضوركـــ



..

الله يسعد الجميع وتصبحون على خير ...

أخو جوزا 14-Jun-2011 03:07 AM

صحت الالسن والقلوب

معجب العتيبي 14-Jun-2011 03:37 AM

مرزوق الابداع والتميز



وعلي النقض والفتل




شعراء مبدعين



استفدت مما قرات



صحة الالسن ولقلوب



ودمتم للهيلا اعمده

فهيد الايدا المورقي 14-Jun-2011 03:44 AM

الله الله الله


مرزوق العتيبي


علي الثبيتي


صحت السنتكم جميع


تحيتي

ابو فايح 14-Jun-2011 06:22 AM

لقاء شيّاب من الطراز الفريد


صحت السنتكم وبيض الله وجيهكم

فهد علي العازمي 15-Jun-2011 05:05 AM

صحت السنتكم

وبيض الله وجيهكم


مافيكـــم حيلة

عمااااااااااالقة


الساعة الآن »10:00 AM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd