الهيـــــــــــــلا *** منتدى قبيلة عتيبة
صفحة 5 من 5 « الأولى 34 5
عرض 40 مشاركات من هذا الموضوع لكل صفحة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعر المحاورة (http://www.otaibah.net/m/forumdisplay.php?f=52)
-   -   لكن رواتبكم ماعرّف اعمالها|||| معجب العتيبي (http://www.otaibah.net/m/showthread.php?t=118648)

خلف المطيري 21-Nov-2010 05:19 AM
الله الله

خلووووووووووووووووها


مادام صار الظلم في ثوب العدل = تبا تشيب ولا سلمّت اهوالها
المنكنز فالسوق مايسوي هلل = رح قلّهم تقعد علي سلّسالها

معجب العتيبي 21-Nov-2010 06:02 AM
الظلم ماساوا عدل مهما حصل=جمله وغنوها على موالها

معجب العتيبي 21-Nov-2010 06:04 AM
خلف المطيري

يامعجب الراتب يبين فالعمل=لكن رواتبكم ماعرّف اعمالها
الظاهر ان اعمالكم فيها جهل=مادام يمناكم تخاف اشمالها


معجب العتيبي

مثلك دوامه للرواتب مايمل=حالك مثل ناسٍ كذا يرثالها
مدام ذي كلمتك اكيد انك ثمل=كلمه حقيقه قول معجب قالها


خلف المطيري

حنا رواتبنا علي دين وعقل = وانتم رواتبكم ياحرّ اريالها
انا ثملت امّن المراجل والفعل =لاتعقد العقده وامس احبالها



معجب العتيبي

اقولها ياصاحبي مابه زعل=انتم رواتبكم ياكسب خبالها
ماقلتلك غير الكلام اللي حصل=والثانيه فال الله ولافالها



خلف المطيري

اكبر كواكبها ترا كوكب زحل = ماصدق الهيئه ولا عمالها
معجب تعدّا امسليمه وابو جهل = الذبذبه دايم يعكس ارسالها


معجب العتيبي

اكبر كواكبها ومن شافه جفل=نفسك تبعدها عنه واشوالها
ماصاحب الجاهل ولا احب النذل=والذبذبه عرفك وتعرف حالها



خلف المطيري

لاتقلب احرف الهجا خلك بطل = قدام احطم ديرتك واجبالها
مادام تهدون المقصر والخبل = ترا النذاله عندكم مدخالها



معجب العتيبي

عقلك ياراع العقل لايصبح قفل=مدام خاطبناك فك قفالها
اللي خذوها ماخذوها بالسهل=واللي يعذرب بالرجال انذالها



خلف المطيري

لاتخلف الهقوات واحطّك مثل =البيض مجّهلها لاشفت اهلالها
اربع بدون اعقول والخامس حول = اثر الطيور اطيح رغم اشكالها


معجب العتيبي

مامشي ورا المجنون لو قالوا بطل=ومجنن الضيفان تحت عقالها
عيون حمرا حجمها كبر القمل=وشلون شافت طيرها وجمالها



خلف المطيري

كل مامنعتك قلت لي مالك دخل = اثر المهبل ماتكب اهبالها
هذا مثل ولاّ حقيقتهم نمل = لاتلتبس كل العلوم اصحالها


معجب العتيبي

ايوالله انك جبتها مثل العسل=وصفه وتاكلها على فنجالها
من قال هاه اكيد يسمعها عدل=يااصحابنا اللي ماجهلت افعالها



خلف المطيري

مادام صار الظلم في ثوب العدل = تبا تشيب ولا سلمّت اهوالها
المنكنز فالسوق مايسوي هلل = رح قلّهم تقعد علي سلّسالها


معجب العتيبي

الظلم ماساوا عدل مهما حصل=جمله وغنوها على موالها

ابن المحايا 21-Nov-2010 06:17 AM




(خلف&&معجب)


صحت السنتكم جميعا


ومبدعين ماشاء الله عليكم

اجل (ثمل);) هاه


الهيئة يالمطاري تنتظرك برا القسم


مير نصيحتي لك امرح هنا لاتطلع ;)



ههههههههههههههه


<<مجرد دعابه


تحياتي لكم

معجب العتيبي 21-Nov-2010 03:19 PM
ابن المحايا


هلا ورحب




نورت الموضوع





وصح بدنك

أسير القوافي 21-Nov-2010 04:35 PM
صحًت الألسن ياعمالقه ،،





وآفيـن ولا فيكم حيله ،،




أستاذي معجب // لا تظهر إلًا بما يليق كعادتك ،، صح لسانك يا مدرًب الهيلا ،،



خلف المطيري // لا تقول حفل [ شعراؤنا ] ههههههه ،، ان كان هو فـ / ألومك ،، أشهد انه حفل كايف وعال العال ،، وصح لسانك،، اليوم من طاروقك ذ1 ،، أحس إنً صاهود طلوعه لأرض الحقيقه قريب هههه ،،

معجب العتيبي 21-Nov-2010 08:56 PM
اسير القوافي


صح بدنك

ولاهنت على الاطراء الرائع


لاعدمتك

خلف المطيري 21-Nov-2010 10:25 PM
اقتباس:
المشاركة الأصلية كتبت بواسطة ابن المحايا (المشاركة 1127817)




(خلف&&معجب)


صحت السنتكم جميعا


ومبدعين ماشاء الله عليكم

اجل (ثمل);) هاه


الهيئة يالمطاري تنتظرك برا القسم


مير نصيحتي لك امرح هنا لاتطلع ;)



ههههههههههههههه


<<مجرد دعابه


تحياتي لكم
هههههههههههههههههه

خلهم يقضبون اللي فالشرقيه انتفخ غدا مثل البو

صح بدنك

حسبي الله عليك يامعجب

خلف المطيري 21-Nov-2010 10:28 PM
اقتباس:
المشاركة الأصلية كتبت بواسطة أسير القوافي (المشاركة 1127958)
صحًت الألسن ياعمالقه ،،





وآفيـن ولا فيكم حيله ،،




أستاذي معجب // لا تظهر إلًا بما يليق كعادتك ،، صح لسانك يا مدرًب الهيلا ،،



خلف المطيري // لا تقول حفل [ شعراؤنا ] ههههههه ،، ان كان هو فـ / ألومك ،، أشهد انه حفل كايف وعال العال ،، وصح لسانك،، اليوم من طاروقك ذ1 ،، أحس إنً صاهود طلوعه لأرض الحقيقه قريب هههه ،،
هلا وغلا

كيفك انت ابوها وسمها

والله بوادر ظهور صاهود بينت خصوصا بعد نزول السوق هههههه مابقا شي يخسره

اتوقع الاسبوع هذا رح يظهر علي الساحه


الساعة الآن »09:52 AM.
صفحة 5 من 5 « الأولى 34 5
عرض 40 مشاركات من هذا الموضوع لكل صفحة

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd