| معجب العتيبي |
05-Oct-2010 05:14 PM |
رعد الروقي
مرحبا ترحيب في فحواه شيء من الخطوره=فيه للوبال نور وفيه غيمـــــــــــــه للشواوي
عقب صدرنا القرار وكل مكتب جاه صوره=الجذع بين العــــرب لا عاد نسمع له فتاوي
سلطان الجـذع
البقا بالشاعر اللي كلمتي تجرح شعوره = وان وصلته مايطيح الا على الارض متساوي!!
راح دورك والقرار يروح بعد أسبوع دوره = ياوجودي ياعقال العز والبشت الحساوي!!
رعد الروقي
ساري المفعول شور اللي على العربان شوره=كل حين ومن عصى شوره يجيه الشر ضاوي
ما يجوز تضيـــــــــــّـــع العالم بعد رتلت سوره=اترك الروضه ودور لك وظيفة فالقهاوي
.
سلطان الجـذع
خابرٍ كفك مع اهل الفعل ماتقصر شبوره = مار ماانته بأطيب من زريب وبخيت العطاوي !!
ضيعة العالم من اللي غيييبته تشبه حضوره = قصّر الحبل الطويل وغثرب العد الرهاوي!!
رعد الروقي
راجع الاحداث واسمع عن كبير اخوان نوره=ويش سوى بالمريض وويش سوى بالمداوي
شوف نور الحـــق يا زبن المجنا شوف نوره=ثم حاول تبتعد عن سكة السيل النحاوي
سلطان الجـذع
لاعب الابيات ياعمده عتيبه لعب كوره = لاتبعدها بعيد ولاتقربها الحراوي!!
قبر جدك في عوالي نجد لو إنك تزوره = صار لك في قصه سيوف الغدر شاهد وراوي!!
رعد الروقي
ما نويت اكوي ولد عمي سوى عند الضروره=كيف اكبه يضرب الخليان بالقلب العماوي
في تبــــــوك اصل الملف ولا بعثناه لشروره=الهوى الغربي نسيمه لا يروح بالهواوي
سلطان الجـذع
مانلومك عقب ماسوّر عليك الخوف سوره = ماانت فوق الارض مامونٍ من الامر السماوي!!
لو للواقع لسانٍ يحكمه صدق المشوره = عد سلطان الجذع قدام سلطان الجلاوي!!
رعد الروقي
في نفود السر .. راع الهاف لو يدهن سيوره=ما ومن ميل الزمان ولا سلم بعض الدعاوي
واجد اللي بين خلق الله خلط صدقه بزوره=لكن اليا قالت ايامه برك دون الهقاوي
سلطان الجـذع
لااختلف جو العرب بين البرودة والحرورة = راجع التقويم والا راجع حساب الخلاوي!!
كلمةٍ محصورةٍ باقواسها فيك محصورة = مالها ياصاحبي دربٍ على الحر النداوي!!
|
