المشاركة الأصلية كتبت بواسطة ابو فايح (المشاركة 1092825) الليل الليل الليل العود مع ابو طلال يحضرون ويحضر معهم الإبداع صحت ألسنتكم علي - الوزاره اذا قررت شي اسمع واطع وسر حسب النظام وإن كنت من الخارجين على النظام أو من يؤيدهم سيكون للوزير معك تفاهم أخر لأن الوزير وجميع لجان الوزاره لم تفعل ذلك الا من باب المصلحه العامه !!!!!!!!!!!!!

علي الثبيتي =

تعال ياعيد بعد العيد اريد الجواب=عن الوزاره ورايك في قراراتهـا
انته معلم ولاتجهل حروف الكتاب=والله يكفيك من بقعاء وصكاتهـا

عيد العازمي =

الراي معقود للي يعرفون الصواب=واهل الحركات مانقبل حركاتها!!
سيف التجارب ورمح ذياب يكفي ذياب=والارض فيها عقاربها وحياتها

علي الثبيتي =

وش قلت فاللي يقفل باب ويفك باب=ماباقي الا القبور يطلع امواتهـا!!
ياعيد ليت الحضور يعلمون الغياب؟=قدام بعض الدول نقطـع علاقاتهـا

عيد العازمي =

ياعلي ثوبك جديد وغير كل الثياب=واذاعة المملكه تعرف محطاتها!!
لاترفع الصوت كل اللي تمنّى سراب=ياوجد كبدك على اللي من جهل فاتها!!

علي الثبيتي =

حنا ترانا عرب مانقبل اهل الخراب=اللي يوسوس لها الشيطان في ذاتها
قوماً ماتبغى الحقيقه جعلها بالذهاب=عيا يفيد الصبر مـن كثـر زلاتهـا

عيد العازمي =

ماتكسر القوم من بين الذرا والزهاب=تكسر بوضح النقا وتخيب هقواتها!!
ياشايب القوم معك علوم والا عتاب؟=قدم النصايح تسجل في ملفاتها!!

علي الثبيتي =

مهلة سنه حاسبوهم قبل نبدى الحساب=علـم بنـي روق عاقلهـا وعياتهـا
اعلوم منها يابن عاصي يشيب الغراب=تفرح على القوم مبغضهـا وشماتهـا

عيد العازمي =

شهرين فوق السنه من متعبين الركاب=وان ضاعلك شئ روق تسد هيباتها !!
في مجلس الطيب سولف مع كبار وشباب=واهل العقول الرزينه تعلو اصواتها!!