تبقى تحت جنح الظلامي . وبشمعة امالك تقدا = قدام اعرفك علموني . ياللي تحت جنح الظلامي !!
الطق مافك اللحامي . وبيت المعرفة مايهدا = غير اللحون ابدع اللحون . الطق مافك اللحامي!!

الضرب فالميت حرامي . ودواي ماطابق على الدّا = واليا بريت اذكر طعوني . الضرب فالميت حرامي!!
راس المطيه فالخطامي . وشدادها من دون بدّا = وان زرفلت صابك جنوني . راس المطيه فالخطامي

ماطلت ياعود الثمامي . وانا مراهن واتحدا = لو اسقتك غر المزوني . ماطلت ياعود الثمامي!!
ماهو غريب ان الحرامي . اللي تعشى به تغدا =فالشر للشيطان عوني . ماهو غريب من الحرامي!!

ماسادها غير اليمامي . قدم الحكم للدين بدّا . = من طاوله ذاق الغبوني. ماسادها غير اليمامي!!
احترت في بعض الاسامي . والكف وش يوجب يمدا؟= وان قلت بالله زملوني . احترت في بعض الاسامي!!

في خاطرك قصد ومرامي . والراس الاقرع مايكدا= عساه بالموس محسوني . ياللي معك قصد ومرامي!!
العازمي ماهو نظامي . واسرع مع الطرقة وهدا = على حسابه سامحوني . العازمي ماهو نظامي!!
=