العمده=
علي وسط البحور الهايجة تلعب به الامواج=رمى روحه بطوعه والسلامة كيف يضمنها
يعوم الحوت حوله والحظية ما معه مخراج=وانا خايف تروح جثته مـا احـداً يكفنهـا
علي العضياني=
علي بالمعرفه من فوق متنه نجمتين و تاج=بعزم و حزم باس و راس و أيامه يراهنها
صحيح الخوف علّه مالها عند اللزوم علاج=و لكنّ النشاما طيبها مـن طيـب معدنهـا
العمده=
نجوم وتاج ارق من الورق وانعم من الديباج=يبا يخلف زمانك مـن توازنـك وتوازنهـا
ترى مافي جنيف الا عماير فاخرة وابـراج=خيام البدو فيها ما انت لاقـي مـن يثمنهـا
علي العضياني=
ترى شمس الحقيقه في سماها نورهـا وهّـاج=تبا تعمي هواميـر الإشاعـات و زباينهـا !!!
وسيع العرف ما يرضى يقف في موقف الاحراج=صعيبه عندك ,,, اللي عندنا ربّي مهوّنهـا !!
العمده=
غرفت بيدك غرفه ما تبل الريق من هداج=ورحت تسابق الركبان وتباري ضعاينهـا
عيون المتقي ما غرت المتعفف المحتاج=درت عن حالته لو كان مـا وده يبينهـا
علي العضياني=
ترى المشروع ناجح و الدلايل وفـرة الإنتـاج=من إنتاجه كثير من العرب مليَـا مخازنهـا !!!!
يا عمده منهو اللي ما درى عن سطوة الحجّاج ؟=صنع له سيره التاريـخ سجّلهـا و دوّنهـا !!!
العمده=
مضيف الطايرة صكت معه واقلع على ميراج=ونطحها السماء من دون يدري عنه كبتنهـا
ولكن الطواري معلنـة فالخـرج والافـلاج=وبعض الناس من هول الخطر خلت مواطنها
علي العضياني=
خدودك لو نلمّعها بلون أحسن من المكيـاج=تبا ترتاح صاحين القبيلـه مـن مجنّنهـا
ليا منّ القريحه هجرست جات البيوت أفواج=ترايع في خيالي و أتخيّر و أكتب أحسنهـا
العمده=
نصحت المسلم اللي معترض في نفرة الحجاج=وقام يبيح سـده والـدروب يخلـي ايمنهـا
صحيح اللي تعده وانت حجه لكـن الاخـراج=مهمـة مضنيـة ماهيـب كراسـة تلونهـا
علي العضياني=
على هدي الرسول المصطفى ما نخلف المنهاج=عرفات و منى للخير مشتاقـات أماكنهـا !!!!
مصير معاملتـك الدايـره للحفـظ فـالأدراج=و قبل تمدّ لي يمناك بالصابون صوبنهـا !!!
العمده=
على هديه ولكن ليلة الاسـراء والمعـراج=مزيـة للنبـي لا تقضـي ايامـك تعينهـا
ترى لولا عيونك صاحية للي ورى الاسياج=سريت بها بدون رضاك لو انك تحضنهـا
علي العضياني=
على هونك ترى وجه الصراحه مسفهّل حجاج=على السنّه نسير و نشجب الشيعه و نلعنها !!!
أنا ما أقول غير إنّه بعد ما جـاك مـا يحتـاج=لكنّ اصبر على ما جاك ليـن الله يزيّنهـا !!!
الله الله
صحت السنتكم وبيض الله وجيهكم
يااساتذة
طارووق راااائع جدآ
