سلامي على اللي فالعرب جالهم صيت=عتيبه هل الأمجاد واهل البطولة
أنا لا ذكرت فعول ربعي تغنّيت=عسى الله يرجّع غايب غااااب زووله

هلا مرحبا ترحيبة ٍ تعمر البيت = ياولد اقحطان اهل الوفا والرجوله
انا لا ذكرت افعول ربعي تساميت = هل المركز الاول على كل جوله

انا عن مجاراة الضعافه تنحّيت=مجاراتنا ماهي تجي بالسّهولة
مدامي يا بو حمدان قبلك تغدّيت=تعشّ العشا واللي تنوله تنوله

تباها يارايد لك زمانين وازريت = ولا جبتها الا بعد دفع العموله
وهالحين تهرج هرج من غير تثبيت = ترى اللي طلع بالجد يصعب نزوله

لولا الشايب اللي لا انتخا يهدم البيت=تعرفون من ياخذ حزام البطولة
يا بلفيت يا مرزوق ولا يا بلفيت=أظن البدو ما يرفضون السّيولة

ورى الشايب ايفجر تحتكم دناميت؟ = وباب التحايل دمره مع قفوله
انا امشي على وضح النقا ماتتقيت =ورقم ٍ وصلته منت قادر وصوله

تعرفون بانه طيّب الذّكر والصّيت=تخمّه هواجيس ما هي بمعقوله
انا حالف اني ما اظلم الحيّ والميت=وراعي الثلاث الطّيبه صفقو له

يامسرعك من بعض السوالف تبريت = مهوّل هذا الرجال يالله تهوله :)
قصير الحبال اللي مخيم على هيت = ذبحه العطش والجم ماهوب حوله