الهيـــــــــــــلا *** منتدى قبيلة عتيبة
صفحة 5 من 5 « الأولى 34 5
عرض 40 مشاركات من هذا الموضوع لكل صفحة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعر المحاورة (http://www.otaibah.net/m/forumdisplay.php?f=52)
-   -   مضى عام بالكفين نمسح على راس اليتيـم (http://www.otaibah.net/m/showthread.php?t=104351)

رعد الروقي 29-Jan-2010 03:20 AM
اقتباس:
المشاركة الأصلية كتبت بواسطة صاهود (المشاركة 983721)
لسجنوك يالعمده علمني ازورك

السجن ماش سجن


اما حياة والا موت


ههههه

سعود البرقاوي 29-Jan-2010 03:24 AM
للا حشمة الهيلا لا اقول انت معتلٍ زنيم = تباها من الليلة وجاتك بدون مقدمه
بغينا نحشمك يارعد مير ما آظنك حشيم= وشرواك لامنه بدى بالخطا مانحشمه

رعد الروقي 29-Jan-2010 03:37 AM
الحمد لله


اذان الفجر خير ورحمة



صح لسانك يا سعود شرفت وآنست وكلفت



الى لقاء اخر ان شاء الله



تقديري

سعود البرقاوي 29-Jan-2010 03:38 AM
الله يعطيك العافية
وصح بدنك

وفعلاً اذان الفجر على حسب التوقعات

والله يقبل منا ومنك

سعود البرقاوي 29-Jan-2010 03:39 AM
اقتباس:
المشاركة الأصلية كتبت بواسطة العمــــــدة (المشاركة 983544)
.
اثر فاليتاما صنــف ينكـــر معاريف الكريم=ولا تستحي عينـــه لو ان العرب تملى فمه
مضى عام بالكفين نمسح على راس اليتيـم=وجات العواقب مؤسفة والنتيجة مؤلمه
اقتباس:
المشاركة الأصلية كتبت بواسطة سعود البرقاوي (المشاركة 983665)
الا يارعد حتى ايش لو تلعن ابليس الرجيم=نبا نرجمك ذالليل وابليس مثلك نرجمه
ترى مايسولف فالقفى يارعد غير الحريم=فهمناك والروقه كلامك عساها تفهمه
اقتباس:
المشاركة الأصلية كتبت بواسطة العمــــــدة (المشاركة 983675)
على طار برقا لجل برقا وروق اصبح حليم=ولو ان صفعه وححده من يميني تكتمه
لك الله مانت اللي قصدناه وافهم يا غشيم=بعد ما رماك الله في كف قاضي محكمه
اقتباس:
المشاركة الأصلية كتبت بواسطة سعود البرقاوي (المشاركة 983681)
لاتقعد ترواغ يوم صابتك ضربة فالصميم = الاولى تجي لك واضحة مير الاخرى مبهمة
انا مالحقني شك ماشي على النهج السليم = وشرواك لاشفته ،، على جنب احده والزمه
اقتباس:
المشاركة الأصلية كتبت بواسطة العمــــــدة (المشاركة 983685)
بعض خلق ربي ما يعرف الصراط المستقيم=يعيش الزمن مهموم .. راسه ماغير يدرعمه
تبا تعتمر وتحـــــج وتزور زمزم والحطيم=ولكن عندك فكر مخفي وعندك تمتمه
اقتباس:
المشاركة الأصلية كتبت بواسطة سعود البرقاوي (المشاركة 983694)
تولم ورد الشان واخصم ليا شفت الخصيم = لاتهرب ولاتنحاش لاصرت منته برخمه
نشدنا الزعوب وقالوا الرجل عايش مع تميم = وفي نهاية المشوار قالوا عسى الله يرحمه

اقتباس:
المشاركة الأصلية كتبت بواسطة العمــــــدة (المشاركة 983696)
يا طيب الجبل ما هس راسي من الوقت القديم= ولكن طميه ياعرب للرحـــيل مولمه
تبا ترخي اذنيك ارخها فالرياض وفالقصيم=يالين الزمن توقظك يا سعود كية ميسمه
اقتباس:
المشاركة الأصلية كتبت بواسطة سعود البرقاوي (المشاركة 983699)
انا ما اضحك الا كل ما شفت يالعمدة شريم =اليا قالوا انفخ قام يبكي ويلمس برطمه
طويل العمر لازم يسيّر على روضة خريم =يمد النظر فالروض الاخضر ويرتد نسمه

اقتباس:
المشاركة الأصلية كتبت بواسطة العمــــــدة (المشاركة 983705)
تجامل زمانك وانت مسجون في واقع أليم=ومثلك كثير اللي زمانه معيي يكرمه
اخذها ورح علم بها حرب ومطير وسليم=ترى المعدن الاصلي مرسي رصيده واسهمه
اقتباس:
المشاركة الأصلية كتبت بواسطة سعود البرقاوي (المشاركة 983712)
ماضايق هل البل فالخلا الا مربين النعيم =وكل من الرعيان يمدح جماله وغنمه
تحط التهم فالناس وتضيع فالليل البهيم = وحنا لاشفنا المتهم ننشده وش متهمه

اقتباس:
المشاركة الأصلية كتبت بواسطة العمــــــدة (المشاركة 983716)
يقولون للثعبان عادة لعل امه عقـيم=يبدل بجلده جلد ويكب شحمه ولحمه
لكن الجمل ورقان لو هام غيره ما يهيم=ولا كل شامخ ناب يقدر بجنبه يدحمه

اقتباس:
المشاركة الأصلية كتبت بواسطة سعود البرقاوي (المشاركة 983720)
حزام السعد ماهوب يالعمدة حزام البريم = ولاينفع الرجال لاصار يرخي محزمه
فرضنا نظام السعودة وانت فالديرة مقيم= ياليتك على الاقل تمشي بحسب الانظمة
اقتباس:
المشاركة الأصلية كتبت بواسطة العمــــــدة (المشاركة 983724)
للا حشمة الهيلا حذفت النفاعي فالجحيم=يقول القلم خطه يقارن بخط المرسمه
على الهند والبنقال تصطي ولكن الزعيم=ليا ناش حده زول مثلك بسيفه يقسمه

اقتباس:
المشاركة الأصلية كتبت بواسطة سعود البرقاوي (المشاركة 983730)
للا حشمة الهيلا لا اقول انت معتلٍ زنيم = تباها من الليلة وجاتك بدون مقدمه
بغينا نحشمك يارعد مير ما آظنك حشيم= وشرواك لامنه بدى بالخطا مانحشمه

اللهم صل على محمد وعلى آله وصحبه أجمعين

كايدالاجرب 29-Jan-2010 07:44 AM
رعدالروقي

سعودالنفيعي

صحت السنتكم

سعود البرقاوي 29-Jan-2010 12:52 PM
كايد الاجرب
صح بدنك بارك الله فيك

حسن إبراهيم الدجيماء 29-Jan-2010 12:56 PM
للا حشمة الهيلا لا اقول انت معتلٍ زنيم
تبـاهـا مــن الليـلـة وجـاتـك بــدون مـقـدمـه
بغينا نحشمك يارعد مير ما آظنك حشيم
وشــرواك لامـنـه بــدى بالخـطـا مانحشـمـه


كلام كلام .. انا اشهد انك كفو ... بيض الله وجهك وصح الله لسانك ... ولسان العمده ..

انا اللي متحسف عليه " إني ماتابعتها مباشرة " .. لكن الله يعوضنا بغيرها ..!!

مودتي لكـم ..!!

فايز بن سرحان الثبيتي 30-Jan-2010 10:23 AM
فرضنا نظام السعودة وانت فالديرة مقيم
ياليتك على الاقل تمشي بحسب الانظمة



الله الله الله "

العمده \\سعود البرقاوي "

بيض الله وجيهكم "

قاف يسواله حفله كااااامله "

عايض القوبع 01-Feb-2010 04:13 PM
صحة الألسنة


الساعة الآن »11:35 AM.
صفحة 5 من 5 « الأولى 34 5
عرض 40 مشاركات من هذا الموضوع لكل صفحة

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd