لاتجعل نظام الكفر للناس تنظيم=ولاتعتبرهم قدوتك للحضاره
على سنة الهادي معازيب ومقيم=ولاهيب طبع اهل الوفا والاماره

رفيع المنزل

سلامي سلام ٍ غير عن كل تسليم = وينصى عميل ٍ مختلف عن مساره
بالاول يامعجب خابر انك كما الديم = وهلحين سيل ٍ يقتشع كل قاره

معجب العتيبي

هلا مرحبا ترحيبةٍ تسبق الغيم=وتكرم كريمٍ مبعدٍ عن دياره
عميلك يحب الرفق ويحارب الضيم=لكن انتبه لاتخرجه عن وقاره

رفيع المنزل

يدوم البقا والعلم لو فيه ترهيم = ترى كل دوله غير تبعث سفاره
كلامك هذا تهديد والا مفاهيم = انا كن والله ماسمعت العباره

معجب العتيبي

مدام ان بعض الناس يحتاج تعليم=ليا تابع دروسي تزيده شطاره
ليا صرت ماتسمع نحط الك ترقيم=واضن اللبيب يجيبها بالاشاره

رفيع المنزل

يقولون ياما فالسجن من مظاليم = ولايمكن القاضي يرجع قراره
ترى كل تاجر بين شداد ومقيم = لابده تذوق يوم طعم الخساره

معجب العتيبي

يقولون مابه سير من غير تشحيم=ولاكل مخطي ينسحب بالخفاره
ترا العقل وسط السوق يحتاج تحكيم=ولا كل مكسب ينكتب بالنعاره

رفيع المنزل

ترى عنجهية بوش لو فيه تعتيم = هي اكبر سبب لسقوط برج التجاره
انا مااتحلل شي به حكم تحريم = وينبان نور الشمس خلف الستاره

معجب العتيبي

لاتجعل نظام الكفر للناس تنظيم=ولاتعتبرهم قدوتك للحضاره
على سنة الهادي معازيب ومقيم=ولاهيب طبع اهل الوفا والاماره