النشمي

الاتفاق اللي حصل يوم الاثنين= واصبح يردد فالمجالس والاعلام!!
لابارك الله في هل المنطق الشين= مالوم هايف لو حكمهم بالاعدام!!

معجب العتيبي

يابو فهد خلك بصف المصلين=لاتبعدك عنهم هواجيس واحلام !!
اللي معه مصحف ويمشي على الدين=مايقربه شيطان في دين الاسلام !!

النشمي

عساك جبت العلم مين السبب مين=البينه تكفيك عن بعض الاوهام!!
انا ماحب اللي يجامل بوجهين=الحق قوله يخدم الصالح العام!!

معجب العتيبي

العلم بيّن مايبا زود تبيين=والرد من هايف وجفنّ الاقلام !!
على النقا مااخذ دروب الشياطين=خليتها للي من الحق منظام !!

النشمي

مايتبع الغاوين ياكود غاوين=هاذي حقيقه وانته ابصم بالابهام!!
ولايبلش الصاحين غير المجانين=والصبر مفتاح الفرج طول الايام!!

معجب العتيبي

اقضب ردي الفعل ثم علمه زين=ان الرجال مراقبينه من العام!!
ولولا الحيا كان ابتدت فالميادين=وكلٍ تعالمها جنوبٍ قبل شام!!

النشمي

انص الرجال مرجحين الموازين= خل الردي لو يلتبس درع وحزام!!
نمشى على نهج النبي والسلاطين =لا تحرث الفتنه مثل شعب صدام!!

معجب العتيبي

في ديرة العميان لو تكبر العين=ماتفرق حروف الكتابه والارقام!!
شيطان من يسكت عن الحق ذالحين=دام الحقيقه بينه والخبر خام!!