يا مرحبا يا بن وايل رحب بـرقا وروق=العزوة اللي تشــرفها مــواقيـــفها
العام لعقـــــــاب نفـــــسً للثــريا تتــوق=لكن سود السنيـن تحـده بسيفها

دام البقا والسنين إبها غروب وشروق = ياعزوة ٍ اربك التاريخ تصنيفها
خابرك فيما مضا طيّب ورجل ٍ صدوق = لكن بعض السوالف بان تحريفها

ما في خوال الرسول مسلسلين العروق=ألا عمى القوم مع تكـــــــريمها ضيفها
لكن بعض الخلايق ربعها فــــوق فوق=واللي بقي ناس ما تلقى مصاريفها

ماقد سمعت الامين اصبح بناخي سروق = هرجتك ياصاحبي ياصعب تصريفها
عن الدسم يارعد يكفيك شرب الغبوق = كل ماكثرت لابتك كثرو ملاقيفها

اهل النضا والقـنا رمز الوفا ما تبوق=والحجة الدامغــــة ما احتاج تعريفها
بين العمى والمفتح ويش كثر الفروق=واللي تعديتها تبشر بتخفيفها

كل قوم كود عنزه لن جات لزم الحلوق = يكفيك عن طول مشرحها وتكليفها
لاتحسبني على بعض السوالف شفوق=كم هرجة ٍ آتجاهلهـا وانـا معيفهـا

يا سرع ما احرفتها فالدرب ياللي تسوق=اكثر شقا الناس ناتج عن تصانيفها
ان دورها الرجال مكمليــــن الحقوق=ما حصلوا عنـــــــــدكم لو انه نصيفها

ابضاعة ٍ شفتها من عام في كل سوق = ليه العرب من سنه تمشي على كيفها !!
ياللي تخيل المزون ولاتخيل البروق = الله يجملّك فبيوتك وتصفيفها

يا لابس البشت راح البشت كله فتوق=والارض عييــت ترقا في مشاريفها
والجادل اللي لها سيد العشاشيق شوق=من شوفة عقاب يا ما كبر تحاسيفها

يامكرم ٍ شاربك دقنك وراه امحلوق = امريكيا مانكبها غير تزييفها
طوقتها يارعد عنك بتسعين طوق = وانته تعيفك بعض احيان وتعيفها