| معجب العتيبي |
23-Oct-2009 11:02 AM |
العمــــــدة
يا معجب كان ودك بالتقــاعد قدم الأوراق=على الريــّس وقلــّـه للفــريق الركن يرفعها
لحقك الشيب..مدري يا بعيد الشوح صدرك ضاق=ومن شال الأمانة ويش عـذره يـوم ضيعها
معجب العتيبي
قضيت اللي مضى بالصدق والاخلاص والاخلاق= صفات القايد الناجح ومثلي من يجمّعها..؟
حياتٍ ياوسيع العرف بين مسايسه وسباق= ياطيب اللي نشد نفسه قبل غيره وسنّعها
العمــــــدة
سطاوة قلب والا راسك اللي يبلغ الآفاق=يخولـّـك تعداها كذيا وانت تسمعها
مدام البشت له عامين ما شلته من المعلاق=لو العربان تنشد عنك..قلي كيف نقنعها
معجب العتيبي
ترا للي على بالك مالد العين فالاسواق=ولو ان العرب فيهم غشيم ٍ لو يدلعها
ليا حان اللزوم تلاقي اللي يرضي الاذواق=ياعمده ليت من يلبس ثيابه مايرقّعها
العمــــــدة
قرارك ما سمعـته والتصبــر مرّ ما ينطـــــاق=ترى الافعال ماضيهــــــــا يمهد لك مضارعها
تقوله وانت سهمك لونه احمـر ساعة الاغلاق=ورهبان الصوامع ماتشوفك في صوامعها
معجب العتيبي
قراري لاسمعته مايسرك داخل الاعماق=على قلبك وقلب اللي كثيراتٍ مطامعها
قيادي والقيادي لو نزل يطلع على الاعناق=ياراع القصه اللي خاتمتها حول مطلعها
العمــــــدة
ليا حمضت علمك لا تهيّب شفرة الحلاق=عليك الله وأمانه قلتك ما يندرج معها
من الحمر السواحل ما لقيت الا ثلاث نياق=وراعيها طويل ذراع لكنه مجوعها
معجب العتيبي
انا ماني بغاصب واحدٍ في حمل ماينطاق=وحلفك مايسرك لو عيونك زاد مدمعها
نعرف الساحليه في مراتع نجد ماتنساق= وانا ماني بشاريها وانا ماني ببايعها
|
