انت مني يدخلك شكه وحكه وارتجافه =ليش تزعل والرجال اهل الوفاء تحمى حماها.
لبسنا لبس نظيف و لبسكم ياهل النظافه = مانقول الا نظيف وكل داء والها دواها.

حاكم الغنامي =

مرحبا ترحيبةٍ تمشـي بسامعهـا مسافـه=من حدود المملكه لين الحدود اللي وراهـا
مات هارون الرشيد وضاعت علوم الخلافه=لين بغداد الجريحه كل من جاهـا ولآهـا

سعود العصيمي=

البقاء بالشاعر اللي لاسمعت إلحون قافه=انشرح صدري ونفسي معه لاقيةٍ مناها.
المشاكل قدم هارون الرشيد ومن خلافه=والنفوس المخطية لابد ماتأخذ جزاهـا.

حاكم الغنامي =

مانشدنا حضرتك وش صار في جسر الرصافه=من هدم صرح الجسور المعجزات ومن بناها؟
كان ماتدري حسافه وان دريت ابها حسافـه=روح وانشد من طبخ كبد البعير ومن شواهـا

سعود العصيمي=

مابناها الا رفيقٍ ماشكى منها كلافـه=مارحاكم هدها والصبح ميراده علاها.
لاتسوي حرفنه ماخبرك راعي للحرافه=النجوم العالية محدٍ لحقها في سماهـا.!!

حاكم الغنامي =

من قنع بالهينه ...ينهان والدنيا حرافـه=احترف ولا تجنب سكـةٍ حاكـم مشاهـا
من سمع صوت الرعود يقول يالله الريافه=وانت تسمع صوتها لكن عينك ماتراهـا

سعود العصيمي=

لاتزوّد من مزاد القوم وانزيدك ضعافـه=المثل قد قال من دور على الحاجه لقاها.
منهو اللي شافها بالعين قدمك يالعرافـه=الرعود اتحن ومزون الخيال انهل ماها.

حاكم الغنامي =

الضيوف اللي لفو واستعمروا قصر الضيافه=لاتقصر في عشاها وانت وافٍ في غداهـا
كل حيٍ شاف مير سعود مدري كيف شافه=كحل عيونه بكحلٍ منتهـي سبـب عماهـا

سعود العصيمي=

لو تصرفها تراها بيّنه لاهل الصرافه = العلوم المخطية مايلحق الطيب رداها
دام خطك مستوي لك ماحصل فيه انعطافه = لاتكبه لومعه جامعك زحمة في سراها.

حاكم الغنامي =

انت من بعض العلوم تصيبك احيانا مخافه=ترتجف عظمان ساقك من خلاها في خلاها
مانقول الا الادب فرع ٍ من فروع الثقافـه=لاغرابه يوم اشوف النفس طايح مستواها

سعود العصيمي=

انت مني يدخلـك شكـه وحكـه وارتجافـه=ليش تزعل والرجال اهل الوفاء تحمى حماها.
لبسنا لبس نظيف و لبسكـم ياهـل النظافـه=مانقول الا نظيف وكـل داء والهـا دواهـا.

هذااااا والله الليل


حاكم الابداع الغنامي - سعود الهرش العصيمي


صحت ألسنتكم إبداااااااااااااع


والرمي حاااااااامي

المشاركة الأصلية كتبت بواسطة حاكم الغنامي (المشاركة 933446) مرحبا ترحيبةٍ تمشي بسامعها مسافه =من حدود المملكه لين الحدود اللي وراها مات هارون الرشيد وضاعت علوم الخلافه =لين بغداد الجريحه كل من جاها ولآها