الذهب فالسوق غالي والفقرا ماتسومه = في رصيد اهل الجنيهات الذهب واهل الريالي
ياسعد فقيه والله مادرت عنك الحكومه = اخر الايام تربط بالسلاسل والحبالي

ادري ان السوق به معطى وبه ناس محرومه= والله اني اصرف من الربح ماقرب راس مالي
الزعيم الليبي معمر معه نفس ٍ زعومه= والزعامه من سطارة راس والا من هبالي

البحر مايعرف اسراره يكود الي يعومه = اصبرو لين البحور تسيح فالقطب الشمالي
انته ابخص في ولد عمك وتدري عن ثلومه = استروه بستر ربي جعل شمسه للزوالي

السما من ينظره ياصاحبي يعرف نجومه= وانت اظنك ماتعرف الناس ياسمح القبالي
ابن عمي ابو متعب غصب مافيها كرومه = شغلتك عنده تصب الكيف من صفر الدلالي

ماتجيب البوم صقر ولا يجيب الصقر بومه = والله انه ماخافكم سيف ابو زيد الهلالي
شغلنا شغل الكريم ودوركم دور الامومه = اللزقوا فالشجره الي لاعروق ولا ظلالي

المشاركة الأصلية كتبت بواسطة طائر الاشجان (المشاركة 877589) ماتجيب البوم صقر ولا يجيب الصقر بومه = والله انه ماخافكم سيف ابو زيد الهلالي شغلنا شغل الكريم ودوركم دور الامومه = اللزقوا فالشجره الي لاعروق ولا ظلالي ههههههه لازم تورطنا يعني راعي الجدعاا صح لسانك وتشرفت بمجاراتك والمعذره على القصور والقلوب صحاح والشك زايل دمت بخير