| معجب العتيبي |
27-Jun-2009 06:46 PM |
النشمي
يالعوازم علمونا عن تفاصيل الزياره=ماكذا فعل الرجال اللي تبا تقهر عداها!!
من يبا جمعا عتابه مايودلها الخساره=في مصالح عزوته يسعى ولا يشقر عصاها!!
العازمي
انشد اللي ولعوها يالثبيتي من شراره = العواز م عزوةٍ ماقط خيّب من نصاها!!
من يبا شقرة عصانا صار بين القوم شاره = والخساره غير فقد الروح لاتتعب وراها!!
النشمي
تركض الركاب فالصندوق وانته فالغماره= مالك ومال العرب يالعازمي تبحث خفاها!!
صرت مثل الحضرمي ياعيد نمره وستماره=وادك انك تملك انجوم المجره في سماها!!
العازمي
ياهل الطائف عليكم ليل مايبدي نهاره = ماتشوفون الجبال اللي يذرّيكم ذراها!!
عقب حطّينالكم برجٍ كما برج التجاره = واكبو علم الفضا والناس بالطيب تباها!!
النشمي
بعد عمرنا العماره لا تهدمون العماره=جاحد المعروف نذل وحبته تدرج رحاها!!
البدو تغدي مريسه لا تهيو للحضاره= ضيعت كل المبادي من خلاها في خلاها!!
العازمي
افرشوها واسكنوها والولد مافيه غاره = والغناوي جرته كم واحدٍ بعده وطاها!!
البدو وقت الصمايل عزمها هد الحجاره = لاتثوّر بندقك ياصاحبي داخل خباها!!
النشمي
والله النا ماندور سمن في ديس الحماره= مار عمك خبل لدروب العسر قام يحداها!!
يحسبه صاير ولي العهد والا مستشاره=وفاقد الحاجه يطب القبر واهوه ماعطاها!!
العازمي
ابك عمي دونكم باسط على الهيلا شعاره = لاتدور,,سدّكم فالراعي اللي قد حماها!!
رافع الهامه على كبود العدا مثل المراره = مار وش حدك تحث النفس وتبيّن رداها!!
|
