الوالي اللي عطاه الله خلافه وجاش=اعانه بمن يعينه واعتلا صيتها
القصر ماينتقارن بالححر والعشاش=افكارك اللي تسرك وين سريتها

العمــــــدة

يا معجب العام جاني منك قطعة قماش=واليـــــــــوم غيّرت في رايك ورديتها
ماني عليها حريص ولا وراها معاش=لكــــــــن بعض السوايا كيف سويتها

معجب العتيبي

يالربع لاتسمعون اللي يحب الهواش=واليوم جمعه ولاهي حول توقيتها
ان كان تبغا الحقيقه لابديت النقاش =والله مارد الهديه عقب مديتها

العمــــــدة

هـــــذي حقيقة ولو دققت حول الفلاش=شاهدتها بالدليل ولا تعــديتها
مديتها قبل شهر وقالوا النــــاس عاش=لكنك اخر زمانك جيت واعميتها

معجب العتيبي

مافيه شيٍ يجيلك في حياتك بلاش=الا الهديه وجتك وقمت وابليتها
ياصاحبي يارعد مالك ومال الخشاش=على القيادي عيونك ليتها ليتها

العمــــــدة

بعد ذكرت الصحيح وجيت بالصدق كاش=الاسئـــلة وين؟ ما شفنـــــاك حليتـــــــــها
هذا تنازل موقع..عن جنـــــــــاح الفراش=مغنيــــني الله عن ام سبيت وسبيتــــــــها

معجب العتيبي

ماهوب من طبعي التصريف والا الطناش=عطيتك البينه لكنّك اخطيتها
لا لا يقولون عنك الناس يافلان (ماش)=خلك على الحروه اللي فيك ضنيتها

العمــــــدة

من ردها بعد ما اهداها على الناس لاش=هذا مثل من مثايل واجد اوحيتها
على الهقاوي وفوق ولا اتعشى العراش=والحرجة اللي تردد ما تعشيتها

معجب العتيبي

ياعمده اللي علومه مثل ماطاش طاش=هديته لو تضيع يقول خبيتها
ياصاحبي يارعد قلبك لحقه الغشاش=بذيت نفسك وخلق الله بذيتها

العمــــــدة

الوالي اللي طوال اليوم فوق الفــراش=ماهو بداري بحي الناس من ميتها
عميلكــــم لون قلبه يا عرب لون شاش=ويقول جتني حصاة رزاح ما جيتها

معجب العتيبي

الوالي اللي عطاه الله خلافه وجاش=اعانه بمن يعينه واعتلا صيتها
القصر ماينتقارن بالححر والعشاش=افكارك اللي تسرك وين سريتها