هذا وشاح المعرفه يوم ان برق الخير لاح = سلعتك قفل فوقها الدكان والساري سرى
ياشين حظ اللي من الايام قلبه ماستراح = ويجيب دعوه مالها برهان والساري سرى

المعتصم بالله

بسم الله الرحمن والمارد على العد القراح=واليا وردنا نلعن الشيطان والساري سرى
يا بو لمار احذر ترى منته بلال بن رباح=لكن عساك تجمل السفيان والساري سرى

ابو لمار

خير البدايه ذكر رب العرش عند الافتتاح = يالمعتصم هات العلوم اسمان والساري سرى
انت سمعت المذّن اللي قال هيا للفلاح = مانته امام اتقدّي العتبان والساري سرى

المعتصم بالله

الليله المعنى ترى ضربه مثل ضرب السلاح=ياللي دخلت بساحة الميدان والساري سرى
لكن شد الحيل واللي راح يارجال راح=واحرص على هدية العمان والساري سرى

ابو لمار

الليله انته مثل طالب يختبر يبغى النجاح = مير اجتهد والدرس بالمجان والساري سرى
ابسط حقوقي بعد جدّي واجتهادي والكفاح = في ماقفي واشرّف الثقفان والساري سرى

المعتصم بالله

لا تفتخر واعرف حقوقك زين يا مال الصلاح=فعلك صفر في كفة الميزان والساري سرى
العام باعلى الصوت وازعجت الاوادم بالصياح=انته ومعك ملهي الرعيان والساري سرى

ابو لمار

افعالنا تدري بها قوم" طويلين الشباح = من وين اجيب اعيون للعميان والساري سرى
ماهو بعيب اطالب الاجواد بالحق المباح = وش مزعلك يالشاعر الزعلان والساري سرى

المعتصم بالله

لاتحسب ان المرجله كفيتها بلبس الوشاح=لو قلتها قلت الك ياغلطان والساري سرى
ربعي عتيبه هم هل المدات يالقوم الشحاح=من مدهم مبسوط يالفرحان والساري سرى

ابو لمار

هذا وشاح المعرفه يوم ان برق الخير لاح = سلعتك قفل فوقها الدكان والساري سرى
ياشين حظ اللي من الايام قلبه ماستراح = ويجيب دعوه مالها برهان والساري سرى

ان كان يتعبك السهر لا ترقد الا في مراح=والله لتبطي وانت فالمرحان والساري سرى
معذور ياللي ما لقى بابٍ يسدبه الرياح=لكن نصيحة جود البنيان والساري سرى

وان كان ذابحك القهر اصحى وكب الانسداح = ترقد وتكبسها لحم ضبان والساري سرى
ان واجهك ريح" قويه مالك الا الا نبطاح = عساك تسلم يارفيع الشان والساري سرى