تعال ياسعود العصيمي يوم حرالشمس غاب = ثم ابتدا ليل ٍ جميل وزان جو الملعبه
ماعاد فيه امجامله مع زيد ولاّ مع ذياب = اضرب بسيف ٍ كل خصم ٍ بالمواجه يعطبه

ياللي تناديني وصلتك والسؤال من الجواب = واللي تباتلعبه يامرزوق حنا نلعبه
ابشرك صاحبك رجلآ لايذل ولايهاب = سيفآ رهيف الحد ويقص اله تسعين ارقبه.

قامت رجال المعرفه تنقد على بعض الشباب = والخط الاحمر مانجامل لاي واحد يقربه
مافيك شك اعرفك رجل ٍ ماتحسب للصعاب = الهرش لو زادت حمموله مااشتكاها منكبه

ماكل صاحب معرفة يضمن لك العلم الصواب = والسالبه ياصاحبي ماهي بمثل الموجبه.
انالقيت السيف ابوحدين مصقول النصاب = وان مالهبته ياصحيبي مالقى من يلهبه.

الجهل يهدم مابناه العلم ويجيب اكتئاب = هذي حقيقه ثابته بين العباد امجربه
والله مانبغى للفرسدق لاطعام ولا شراب = الا انه ايكرم سباله مثل تكريم اشنبه

العلم عكس الجهل واهل العلم يقرون الكتااب =والسالفه لاجل الكتااب اللي بوسط المكتبه.
فالجامعه قسمين واحدٍ منتظم واحدٍ انتساب =وانته صحيبٍ معتلي في مرتبته ومنصبه.

الليله انقفل حساب ونبتدي نفتح حساب = وسعود عادي لو بغينا فالقضيه نتعبه
اليا ذبحت العقربه يطلع بعدها ولد داب = وانته تعرف الداب ذبحه غار ذبح العقربه

اتصك باب ويفتح الله للسعد عشرين باب = وسعود يامرزوق لن معجبك فانته معجبه.
حنا ذبحنا الداب والعقرب وحصلنا الثواب =واللي يخصامنا نخصمه خصم والا نادبه.