عقاب العنزي

ياسلام الله سلام ٍ ماتحصّل زيّـه = من هجوس الشاعر اللي ماانكشف مستوره
ياثبيت اوضاعكم فالساحه الشعريه = تنرثي من بعد طاح الشيخ ابو باكوره

قادح شرار

مرحبا ما بين حرّ الشمس ولا ّ الفيّه = من هجوس أفعالها وقت اللقاء مخبوره
يا عقاب أبلشتنا في حلّقتك هاذيه = نفسها ما تنتغيّر بالشكل والصوره !!

عقاب العنزي

البقا بااصحابنا اللي مجدهم عاريّه = بعد ماكانوا على وجه الزمان اسطوره
مشكلة جمال عبدالناصر ( القوميّه ) = خلته بعد التحالف قايد ٍ للثوره !!

قادح شرار

كان قدمتلك حسنة لا تقدم سيّه = لأجل ما أخذ بك على ريع الندامه دوره !!
ومشكلة امعمر القذافي ( العقليّه ) = ما يثمّن هرجته لا قابل إخوة نوره

عقاب العنزي

الكلام اللي وصل بالنشره الجويه = اضحك العالم واضحك من على المعموره
هد روعك ياعميلي لاتعدّى الميه = قدم قرص الشمس لايحجب عليكم نوره

قادح شرار

ماش شئ يــِضّحك السامع أبو شخصيّه = صاحب الفكر الرزين اللي سليم ٍ شوره
و ماش شمس ألحين يا أبو مخ به مسحيّه = وإنتبه من ليل دامس ما تطير طيوره !!

عقاب العنزي

انت بعد ان لبسوك عمامه وطاقيّه = لاتحسب انك تنافس مطلق بجمهوره !!
لو تجرّون السوالف من هنا وهنيه َ = اعرف ان البحر الاحمر ماغرق بابوره

قادح شرار

وأنت ليت إن الجماعة لبّسوك عبيّه = بعد غرقك المطر فالديرة الممطوره
كان في راس إبن وايل جني وجنيّه = ماله ألا من يطلعها وأنا دَكّتورْه !!

عقاب العنزي

فوقي المشلح ومعيّه سيف ٍ وجنبيه = مانعاين في هروج العالم المغموره
انت قادح والبشر مامورة ٍ منهيه = تحسب ٍ قدح المعاني مثل شوت الكوره

قادح شرار

نيّتي يا عقاب زانة وأنته أمش بنيّه = والعباه إن كان تبغا الصدق لك مذخوره !!
وأنت أشوفك تحسب إن الملعبة إغّنيّه = مير غني يا صديقي ( وأركب الحنطوره ) !!