الك سعيٍ حميد ولا شكرت إل سعينا المحمود = تحسب إنّا على شاطي البحر نسعى ونطافي.
عسى ربي يساعدك ويعينك ياوليد العود = وحنامعك مازلنا نشيل اثقال وخفافي.

سعوودالعصيمي =

هلا يامرحبا ترحيبٍ معطـر مـن الكمبـوود=يابن برجس بعد شفناك وانت ابلبسك الضافي.
وانا بيني وبين حمود من ماض الزمان عهود=عهودٍ من قبل حكم السعود وحكـم الاشرافـي

حموود ابن برجس =

يدوم الك البقا في موقع اهل العز واهل الجود=وانا دايم ثيابـي ضافيـه وجـداد ونظافـي
تهرج يالعصيمي والسوالف حبلهـا ممـدود=عسى ربي يجمـل وقفتـك قـدام ميقافـي

سعوودالعصيمي =

زمان العام اشوفك مار معرف حدك المحدود = لكن اليوم بنت وبان لي ماحولك خلافي.
والا ياحمود بيتٍ مايذري عن هبوب النود = تعيّن له زبونٍ وحل في منزالك الدافي.

حموود ابن برجس =

زمان العام ولا اليوم ماقدامك الا حمـود=وقد شافك مدام انّك تمنى الصاحب الوافي
يبو طايل تحسب ان الليالي كلبوها سود=بعد بكره تبا تسري على نور القمر حافي

سعوودالعصيمي =

عرفت انك حمود ولاحمود بجاهلٍ فسعـود=لكن الكلمه اللـي قلتهـا قلهـا لقذافـي.
تعبنا معك واتعبت العرب والفوود مامن فود=ولاباقي معك حيلة تولع نـورك الطافـي.

حموود ابن برجس =

نعـم فيكـم وحنـا يالعصيمـي ماعـلانـا زود=لكن اصرف ذهب صافي ونصرف لك ذهب صافي
ترانـا بـاول الطرقـه وكمـل باقـي المجهـود=وهاك الوقت لك حق ان سفى من فوقك السافـي

سعوودالعصيمي =

الك سعيٍ حميد ولا شكرت إل سعينا المحمود=تحسب إنّا على شاطي البحر نسعى ونطافي.
عسى ربي يساعدك ويعينك ياوليـد العـود=وحنامعك مازلنـا نشيـل اثقـال وخفافـي.

وقفت اول زمانك ياسعود الموقف المشهود = ونهار الماقف الغصاب زولك غاب ياكافي
تقوله وانت هرش ٍ كل يوم موالف ٍ لك ذود = وراك الناس نشّاده وترقى كل مشرافي

وقفت اول زماني واخره علمٍ عليه شهوود =واخوك التوم عقب النايفه معاد ينشافي.
وردت مع الورود لعد تيماء والصدور ورود = ولاحصلت مثل البيت الابيض بيت عرافي

يدور الوقت واللي طول الغيبه عساه يعود = ياطيب اللي على نهج الوفا يوفي ويستافي
الك بكره هنا وهناك الك حقه ولك مفرود = حلالك يالعصيمي وانت اخويه واختم القافي