ترى اللي يطلب الحق ما يجلس ورى الباب=يطق الباب ولغايته يكرب حزامه
بعيدين الخطا يلحقون النار مشهاب=وبعض الخلق طول الدهر معلن صيامه

ترانا للنشامى سواتك نحسب احساب = قبول العذر منهم طبوع اهل الكرامه !!
صحيح اللي تقوله ولاقلتلك كذّاب = لكنك عز نفسك لاتلحقها ملامه

تقدر من يقدرك لكن شر الارهاب=تطاول منطقة نجد وامسى في تهامه
عزيزة نفس راع الوفا والعشق غلاب=ليا جا الرجل صحاه من لذة منامه

غريبه يرهبونك بني عمك والاقراب = وانا اشوفك تصلي ومشيك باستقامه !!
انا والحمد لله مادور غير الاصحاب = وكل" يعرف الصقر ماهو كالحمامه !!

ترى يوم السعه مايسمى يوم غصاب=الاول لعب تجار حله في حرامه
لكن اذكر فروق اللغة وحقوق الاحزاب=قبل راسك توطيه لامواس الحجامه

زمانك لايحطك مابين الضرس والناب = يكفّي الرجل عرفه وطيبه واحترامه !!
دعاويك الكثيره عليك تفك الابواب = ترى بعض الدعاوي غشامه في غشامه !!