| حاكم الغنامي |
25-Mar-2009 12:11 PM |
عناد الحزيمي
سلام ياربعي هل الطالات مروية الحـدب=اقولها قدم الرجـال الـي تحكـم قولهـا
عبدالمجيد احيان تغريه المناصب والرتب=مخّر ولد عمه على شان ايتمركز حولها
عبد المجيد العطاوي
يامرحبا في مرحبا والرحب من سلم العرب=سلم العرب لا منّ ضيفان الكرامة جوا لها
ماني بناسي حقّكم ياعناد في سدّ الشنـب=لكنّ ادورّ من يفيدك من زحول ازحولهـا
عناد الحزيمي
ابك البقا والنار ماتخمـد ليـا كثـر الحطـب=برّق سناهـا يالعطـاوي واعطنـي مدلولهـا
كفو .. لكن اهل الطرب ما ترقص إلا من طرب=خـل القضيـه لا تحضرهـا بـدون احلولهـا
عبدالمجيد العطاوي
النار لا زدتوا حطبها جـاء سناهـا يلتهـب=وانّ كبرت النيرة حوت عرض البلاد وطولها
أهل الطرب طربا وانا اقوللك ياعناد السبـب=يومنّهم شالوا على اظهور الجمال احمولهـا
عناد الحزيمي
وقفت لك وقفة يابن فيحان عدتك النشب=وقفه تحيّر يالعتيبـي بالأنـام عقولهـا
اسوق يم اصحابنا الغالين شرهات وعتب=لكن ماهمي كبار القوم لو يسعـوا لهـا
عبدالمجيد العطاوي
معروف .. واللّي يارد العدّ الزلال ولا شرب=ما يصلح الاّ يدرج الجرّة ويغـرف فولهـا
انته عتابك سكّر مصبوب في كاسة ذهـب=والدلّة امّ الهيـل دوبنّـه وصلكـم دولهـا
عناد الحزيمي
عز الله ان الساق ما يثنى ليا شـد العصـب=حتى لو الدكتور ياصـف وصفتـه ويقولهـا
اجل صدق قول المثل واكب رجب ترى العجب=توّ انكشف لي سرّ ليلى واعتـرف مهبولهـا
عبدالمجيد العطاوي
اللّي برك في مبرك الجرباء تعلّقه الجرب=والجرُب ياعناد الحزيمي ما نقرّب حولها
مايستوي ما يستوي راس المطية والذنب=وانته جحدت أيماننا اللّي كاسيتك افعولها
عناد الحزيمي
اول علاقاتك مـع السلمـان زرّاع العنـب=وآخر علاقاتك تبى تحصد لها محصولهـا ؟
ما شفت لك طاري بعد صاحبك عداك المطب=اجحد وانا برفع لك الرايه واقـول اتطولهـا
عبدالمجيد العطاوي
اسليم أهل نخوة وانا أصاحب عريبين النسـب=المشكلة في اللّي على الدقّـة تـدقّ اطبولهـا
ياللّي تشيلون القرب ..؟ الداب في وسط القرب=انتم تكبّـون الغنايـم والعـرب راحـوا لهـا
|
