السوالف تجي وتروح مار الوكاد =المرض في عظامه اشعيل مابيته
دوك ظهر الجمل والنار تحت الرماد = الحقوه الحقوه وجودوا كيته

ياشعيل المسمى مايهم القراد = كل واحد يبا يمشي على نيته.
الجمل خاطمينه والجمر فالزناد = وابن سرحان وشبه يشقر عصيته.

ابن سرحان =

العصيمي رديف اثنين فوق الشداد=والجمل هذي اوصافه واماريتـه
كان فالمركز الاول نهار الطـراد=مار تال الزمن كثـروا حراميتـه

سعود العصيمي =

العصيمي زعيم ولا يرادف عباد = وابن سرحان جعله يحفظ رعيته.
مركزي ماتغير سلم والا جهاد = لاحداك الزمان ارتاح في فيته.

ابن سرحان =

العصيمي منول فوق ظهر الجـواد=لين غروه مـن سيفـه وجنبيتـه
صار وجهه غريب وصار قلبه جماد=لو تلبس شماغـه تحـت طاقيتـه

سعود العصيمي =

لاتليّم علومك من بياض وسواد=والعصيمي بسيفه محتمي هيته.
انت تنظر بطبعك لاكثر اهل البلاد=والعرب كلآ ابوجهـه وجاهيتـه

ابن سرحان =

السوالف تجي وتروح مار الوكـاد=المرض في عظامه اشعيل مابيتـه
دوك ظهر الجمل والنار تحت الرماد=الحقوه الحقـوه وجـودوا كيتـه

سعود العصيمي =

ياشعيل المسمـى مايهـم القـراد=كل واحد يبا يمشي علـى نيتـه.
الجمل خاطمينه والجمـر فالزنـاد=وابن سرحان وشبه يشقر عصيته.

الجمل يهتبد بين السلم والعراد = وانتم اتعشمون الناس في جيته
لو دهنتوا جنوبه مار مالله اراد = يمكن انه يقوم وتجبر ايديته