سلطان الجـذع

ياسلام الله سلامٍ فيه تقدير وموده = وفيه شرهه كبر ضلع طويق منصاها العطاوي
اليتيم اللي دموع الحزن يبست فوق خده = لايحمّل ذنبه اللي قد حموا عطفه مضاوي

معجب العتيبي

مرحبابك يالمسلم واجب ولازم نرده=والتشره يالجذع للي يثبت للدعاوي
مايقوم البيت غير من الحبال اللي تشده=ليش عن بعض الثوابت صرت ياسلطان غاوي

سلطان الجـذع

أأثر معجب حالمٍ وأليا زريّب العود جده = وصاح لي صيحة غريق شاله السيل النحاوي
والجذع سلطان والله مانقص كيله ومده = لين شااف الراعي المصلاح بالبشت الحساوي

معجب العتيبي

الحقايق ماتبدل وانت عد الحق عده=ليش تترك واجبك وتقول انا عدٍ رهاوي
لاتعذر يالجذع وتقول كبّرت المخده=لو تشوف الراعي المصلاح في دربه عماوي

سلطان الجـذع

انت غرك قل عرفك فالدروب المجرهده = خط لبخة والحويته مايوديك الصداوي
مار عن رزق الفقارا كف كفك لاتمده = عندك البيت الكبير وعندك الراس الغناوي

معجب العتيبي

ادري انك عارف دروب الرياض من المكده=بس مدري وش كثر عرفك لواجبك السماوي
هاك راس العلم ياسلطان ثم العلم رده=مايعزك غير فعلك لاتداعتك البلاوي

واجبي ماغير لاشفت الجيوش المستعده = فالرخاء ماني خويٍ لك ولاانته لي مخاوي
كل علمٍ ماتبا تخفيه للعربان بده = والركايب جاهزة بالحمل والدرب متساوي

فالرخا سلطان ياهل المعرفه ماشفت قده=وعقب جا وقت اللزوم اخلف كبيرات الحراوي
صار في دنياه مشغول ومع نياقه يوده=ماذكرناله حضور ولاعرفناله عناوي

سلطان الجـذع

ياسلام الله سلامٍ فيه تقدير وموده = وفيه شرهه كبر ضلع طويق منصاها العطاوي
اليتيم اللي دموع الحزن يبست فوق خده = لايحمّل ذنبه اللي قد حموا عطفه مضاوي

معجب العتيبي

مرحبابك يالمسلم واجب ولازم نرده=والتشره يالجذع للي يثبت للدعاوي
مايقوم البيت غير من الحبال اللي تشده=ليش عن بعض الثوابت صرت ياسلطان غاوي

سلطان الجـذع

أأثر معجب حالمٍ وأليا زريّب العود جده = وصاح لي صيحة غريق شاله السيل النحاوي
والجذع سلطان والله مانقص كيله ومده = لين شااف الراعي المصلاح بالبشت الحساوي

معجب العتيبي

الحقايق ماتبدل وانت عد الحق عده=ليش تترك واجبك وتقول انا عدٍ رهاوي
لاتعذر يالجذع وتقول كبّرت المخده=لو تشوف الراعي المصلاح في دربه عماوي

سلطان الجـذع

انت غرك قل عرفك فالدروب المجرهده = خط لبخة والحويته مايوديك الصداوي
مار عن رزق الفقارا كف كفك لاتمده = عندك البيت الكبير وعندك الراس الغناوي

معجب العتيبي

ادري انك عارف دروب الرياض من المكده=بس مدري وش كثر عرفك لواجبك السماوي
هاك راس العلم ياسلطان ثم العلم رده=مايعزك غير فعلك لاتداعتك البلاوي

سلطان الجـذع

واجبي ماغير لاشفت الجيوش المستعده = فالرخاء ماني خويٍ لك ولاانته لي مخاوي
كل علمٍ ماتبا تخفيه للعربان بده = والركايب جاهزة بالحمل والدرب متساوي

معجب العتيبي

فالرخا سلطان ياهل المعرفه ماشفت قده=وعقب جا وقت اللزوم اخلف كبيرات الحراوي
صار في دنياه مشغول ومع نياقه يوده=ماذكرناله حضور ولاعرفناله عناوي