حاكم الغنامي
كان فايز قريب لاينام =ودنا معه في بعض العلوم
اول العلم مبروك الوسام = ثم بعدها ترى فرك الخشوم
ابن سرحان الثبيتي
كان ماودك اترد السلام = التراحيب مافيها لزوم
يوم حظي مع الاجواد قام = ليه حظك برك عيا يقوم
حاكم الغنامي
تعرف الشبط برده فالعظام =وانت من دون نار ولاهدوم
استوينا على حسب النظام =بارك الله بقاضين اللزوم
ابن سرحان الثبيتي
ابك ياشعيل تبغالك زمام = وانت حتى من الزاد امحروم
كل حاشي ليا جاله سنام = مايصنف فحل وانت محشوم
حاكم الغنامي
دوك مردودها مني شمام =مايدك الجبل غير النجوم
اربضي يامراهيط الحمام!!=فالسما حر بجناحه يحوم!!
ابن سرحان الثبيتي
هذي اعلوم حاكم ياسلام = احسبنه عن الزله يشوم
عاينوا فيه يالربع الحشام = سادة القوم راعين الختوم
حاكم الغنامي
يشهد الله لك بقلبي مقام=مانويت ارسم بخدك وسوم
يابن سرحان هذا العام عام =فيه نرقا على عال الرجوم
ابن سرحان الثبيتي
ابك ياحاكم الحرب انتقام = وانت مسكين ماعندك هجوم
ون حدتك الليالي للزحام = طحت مفجوع مابين الخصوم
حاكم الغنامي
لاركبنا وسلينا الحسام=صار قسمي من خيار القسوم
تعرف القوم لاثار العسام =تدخلك في وسيعات الكموم
ابن سرحان الثبيتي
المراجل ماهي قول وكلام= دونها الموت في زرق السهوم
مار مدري علامك ياغلام = لا انت لاش ٍ ولا ربعك رخوم
حاكم الغنامي
حطلك فرش من ريش النعام = يالثبيتي تريّح ومخدوم
غيرك اللي سرى ليلٍ جهام =كل سوقٍ يبيع ابه ويسوم
ابن سرحان الثبيتي
حاكم الله يعينه مايلام = طاح في سوق الاسهم والرقوم
يوم جانا معه قرشين خام = ماتكفي لتسديد الرسوم
حاكم الغنامي
حاكم الله يعزه مايضام =بالمتن يدحم كبار العزوم
يشهر الحر بجناحه وحام =مايهمه صخب بطٍ يعوم
ابن سرحان الثبيتي
الصقر ماقعه روس العدام = والخراب ايتلوى فيه بوم
كان ودك تحصلك وسام = اسهر الليل لا شوفك تنوم
حاكم الغنامي
مايفك اللحام الا اللحام =والخيول الاصيله للقروم
يوم صمتو قبل وقت الصيام =ليه تفطر على برغل وثوم
ابن سرحان الثبيتي
انت فاضي ولا عندك دوام = اما انا في مجاهد كل يوم
كان عندك صبر خمسين عام = يمكن اتصير شاعر للبقوم
