| سعود العصيمي |
19-Dec-2008 10:57 PM |
عيدالعازمي=
على الله يالعصيمي بعد ماقررت اسوق خطاي=تنحّى عن خطى اللي لامشا فالدرب ماعادي!!
إذا مالك مع اهل العرف لافزعه ولا لك راي=تذرّيك الحصاه اللي وراك وسرحة الـوادي!!
سعود العصيمي =
بعد ماجابك الله بعد غيبة لد عينك جـاى=وهات العلم وخذ العلم مني يابن الاجوادي.
ليا منك طلبت الوافية مني ومن شـرواي=تبا تلقى طلبك مع العرب ماعنك نشـادي
عيدالعازمي=
انا عيني تعلت للنجوم البيض يامشكاي=اميّزها وابو طايل لهايا الربع عـدادي
طلع نجمٍ ليامنه سطع للداجيـه جـلاي=وانا ظنّي من اسبابه يغيّب نجمك البادي
سعود العصيمي =
نجوم الكون تبدي فالسماء مار القمر فالهاى=ولو ميزتها ياعيـد شـي يعتبـر عـادي.
ياكم نجم بدأ لكن مايمكن يجيـب اقصـاى=ابو زيد الهلالي مايخافـك يابـن شـدادي.
عيدالعازمي=
بعد بنت الزناتي يالعصيمي قررت لامـاي=الا ليت العصيمي عن طلبها يقصر المادي
انا خابرك منت بصيدة اسعد منوة الرماي=ولكنّك تسوق شعيل ماله خرج وشـدادي
سعود العصيمي =
لياطلقتها يمكن لابن عاصي وابن عصاى = تشوم وتلتفت والا تجر الصوت وتنادي.
لك الله ماطلبت ارضاه لو إنّه يريد ارضاى = بعيرك واستقه من بعد حصلته وهو غادي.
عيدالعازمي=
ليا ماقادها سلك الرضا وآنا علـى مركـاي=تجي عنوه ليا وصلت مزاحم روس وعنادي
علومك لو تزيّنها تشابه هرجـة الوشّـاي=عسى كفّك تسمّح خاطرك من صفحة الزادي
سعود العصيمي =
عطيتك كلمةٍ تبا تسدك عن كثير احكاى = خذها واسترح ياعيد عن سرداد مردادي.
علومي كلبوها صدق قدامك وقدم اعداى = اوردها وصدرها ولي مصدر وميرادي.
عيدالعازمي=
ليا قادوك يالمجرم وصرت بمحكمة لاهاي=تبا تلقى مصير الطاغيه صـدام بغـدادي
على عد الروى ماتقصر احبالي بمد رشاي=على هداج ميعادك يابن عاصم وميعـادي
سعود العصيمي =
أنا ياعيد مؤمن بالكتاب وكاتبٍ قراى = ولاني مجرم مثلك ولاني خبل ينصادي.
مافيك اقصور مار الكايده مانت ابلها حمّاى = عسى ربي يبارك في حبيّب راع الامجادي.
|
