مقعد الدغيلبي

سلاااام ردية وفا تصرف مثل صرف الفلوس=اقولها والكايدات ارومها واطولها
تعال ياسلطان ودي تستمع بعض الدروس=لعل مثلك يستفيد وينفعه مفعولها

سلطان الجـذع

يامرحبا ترحيبةٍ لعيون مقعد ( حد موس ) = قدامها برهانها قبل ابتدي واقولها
الدرس منا ياابو فيصل في ضحى اليوم العبوس = نبرك جمال العرب ونشدها بحمولها

مقعد الدغيلبي

انا عيوني يالجذع ماهيب في وجه العروس=انا عيوني للمزون الي تهل ثعولها
ان كان ناوي يالجذع تطلق مافي وسط الحبوس=احسب حسابك قبل بقعا لاتطق طبولها

سلطان الجـذع

كانك كذا فانته سواتي فالوقوف وفالجلوس = مير أنت من ناسٍ تخالف قولها بفعولها
نويت اخليها معك حربٍ مثل حرب البسوس = دام المشاكل بيننا مالله آآآراد حلولها

مقعد الدغيلبي

انته تمشى بالرضا واحيان بالوجه العبوس=واناحمد الله واشكره ملبس قديم اهتولها
كانك تبيها حرب اباسوقك مثل سوق التيوس=اخذ النصيحه قبل قدمك لاتضيع حلولها

سلطان الجـذع

غير العباه أم الفتوق اظن ماعندك لبوس = اللي على جسمك تساوى عرضها مع طولها
أوقات شاعر وأكثر أوقاتك تحوس اللعب تحوس = بعض الرجال الله معنيها بنقص عقولها

مقعد الدغيلبي

ماتحتك الا الجمر وانت اتدوس والا ماتدوس=كثير مثلك دائماً تشتاهلها بحثولها
مانيب في حاجة شهاد من طولين اللبوس=دلك لحالك والعرب ماتحلفك بدلولها

سلطان الجـذع

لا والله الا رحت صيدة ليل للذيب الفروس = فالاولات أخذوا عبر والتاليات أصحوا لها
حنا رجالٍ ماتعلى روسنا فالوقت روس = وان ماشهدنا لك علوم الطيب ماانت بحولها

مقعد الدغيلبي

افرك خشم وادبل كبد واهووش واجرحلي نفوس=والله واكبر ياقناة فاشلٍ مرسولها
انتم رجال طبعها مريوستٍ ماهي تروس=وصلتك وحده والسوالف خلها بقفولها

سلطان الجـذع

ماهيب والله لحيتك ...وانت كما البن محموس = الله على بعض المزارع فاشلٍ محصولها
عن المطر ياصاحبي مقعد تعلمك العسوس = انت العلوم اللي توصلها ماهي بوصولها