معجب العتيبي

سلام الله سلامٍ ينحزم له فوق ظهر بعير = على شأن العطاااوي عندنا غالي بدينابه.
تهرج يالعتيبي وانت ماانته فالعيون صغير= ودوّر دربها وليالقيته مابلشنابه

معجب العتيبي

هلا يامرحبا ترحيبة تبعد عن التقصير= ومثلك يالعصيمي لاحظر لازم يحيابه
والا ياسعود في عظم كبر ماينفع التجبير=كبر كسر العظم والوقت مدري ويش سوابه

سعود العصيمي

ياطيب اللي يفكر فالعلوم ويحسن التفكير = ماهوب اللي ليا ودى الخبر للناس ماجابه.
نبي نجبر كسير العظم والا انكسّره تكسير = ماهو لاقي مطاليبه قبل لايحسب احسابه

معجب العتيبي

ياطيب اللي حسب خطوات رجله قبل يبدا السير=ويدري عن دروب الضلع قبل يقوم يرقابه
هذاك يقربونه للعنايه وابرة التخدير=لعله ينتبه لافاق والشرهه على اقرابه

سعود العصيمي

يقدّر من يقدر والنشاما حقها التقدير = وحنا ياعتيبه كلنا للنار شبابه.
على هونك على هونك يامعجب لاتجيه مغير = يزول الغيم عن وجه السماء والعلم ترضابه

معجب العتيبي

يابو طايل ياطيب اللي معه تامين ضد الغير=لعله مايشيل الحمل في دربه ويشقابه
انا مابي ليا بانت حقايق يكثر التبرير=ابي نورٍ مثل نور القمر ياسعود يسرابه

سعود العصيمي

نبا نشبعك وقت الشر شر وخير وقت الخير = ومن لاشال حمله في زمانه لا تعزوابه
لياجات الحقايق نعرف الفضة من القصدير = والا ياكم وكم من مركب يغرق بركابه

معجب العتيبي

يابو طايل بدون جناح ضني مايطير الطير=قبل تضمن جناحينه سليمه لا تحدابه
ياطيبك ياوسيع العرف بين الشرح والتعبير=ياراع الشرح والتعبير شرحك لاتهقوابه

سعود العصيمي

مادامه حر طير الحر حر ولايبا توكير = يعدي ماكره ويفيد صيده ضرب مخلابه
انا عمك وهمك وان بغيت اسمّرك تسمير = حرامٍ من حزامي طرح مثلي ماتهنابه

معجب العتيبي

احد يقلط على سمن وعسل واحدٍ عشاه شعير=وانا ماضنتي ياسعود فالمضمون تتشابه
الا ياطويق ويش اخبار ضلع محيرقه والنير=عسى راع الحزام اللي يشيله ماتعنابه