ضاقت صدور روق وضاقت صدور برقا = يوم سرحان يعوي جاوبه صوت ورقا
مير روّح وراسك يالعتيبي معرقا = لو مع الشعر جنسيه لقيته بخـاري

ألي فالشعر نهج وهناديب وفنون = أعاقب مهابيل العرب وابتليها
وناصر يعيش بذل ويموت مغبون = علومه هزال ولايزيد يحكيها

مالقينا لنا سرحان فالضلع يعوي=غير حصني يراوغ وإن طردناه يصوي
ياعتيبه عتيبه فيه شبيت ضوي=لو مع الشعر جنسيه لقيته عتيبي

دخل في ضلوعك مس وامسيت مسكون=وقرب لي الجبهه وأنا بكتويها
وناصر مافكر فيك من ساير الكون=تبى تطبخ الحرجه تبى تشتويها

لاتعجب أليا قلت إلك ماانت بطبيعي = أسرحن عنك حيل وعودن لك دفيعي
لاتقول النبي يوم القيامة شفيعي = لو مع الشعر جنسيه لقيته بخااري

أحليك جمرة ناقصك راس غليون = ولالك مع عتيبه وصيف وشبيها
مابه حرجة الا أنته على مايقولون = أظن الضحيه ماعرفت انتقيها

ياعجايب عجيب هروج هذا الغلامي=خبط عشوى تهابد فالخلا من حيامي
البلا في مراحك ولدٍ بالحرامي=لو فالشعر جنسيه لقيته عتيبي

علي الحرام إنك ملكع وملسون=ولكن مثل انهايتك تبتديها
بعدها كلمتك هاذي وضح كل مكنون=وش اللي وراك ابحثلها وأرتجيها

كانهن في مراحي ولدن بالحرامي = فوقهن وسمكم يااهل طحي وسنامي
بعد هذي يابن عاصم عليك السلامي = لو للشعر جنسيـه لقيتـه بخااري

تعاين على القير وتلف الدرقسوون = وخرابات سيارتك كلٍ لقيها
ابا اعطيك كلمة حق والسر مدفون = عليونك ترى ماتعتلي حاجبيها

اعترافك بإنك ملتقط وانت لاقط=ابن عاصم منقا بالشرف دوم قالط
الكوارث على راسك تراها تساقط=لو مع الشعر جنسيه لقيته عتيبي

واشوفك تلفتلي وابى اعطيك حاجون=بعد فرعت مامعك مايكتسيها
ابى اعلن وفاتك والمرض فيك طاعون=عسى الله يصبر بشقتك في نعيها