سلطان الجـذع

العصيمي من الدنيا مصفي حقوقه = أمس قبل العصر وقع شهادة وفاته
لو أشيّع كبود الربع منه محروقه = مايعرف السلام ولايعرف بركاااته

سعود العصيمي

العصيمي بخير ولا لكم فيه طوقه = حي يرزق عسى ربي يطوّل حياته
والربع من طرفنا ما لحقكم معوقه = مار سلطان اظنه مثل الاعمى وشاته

سلطان الجـذع

مانقول أن رجلك فالمسابق سبوقه = لو حبيب يطلع صورتك في قناته
الجبل في حجاه الداب والذيب فوووقه = والعصيمي تحت ظله مطّول سباته !!

سعود العصيمي

الجذع كل شيٍ وده انه يذوقه = مر والا حلا لاحصله قال هاته
اذبح الذيب وانا الداب اقطع شدوقه = اخذ علم العصيمي واحتفظ في وصاته

سلطان الجـذع

كان دقنك عن العلم الجميل محلوووقه = الجذع صد عنه ولاتسوي سواته
دام عبرتك في حلقك تموووت مخنوووقه = ماانت مشيوف ..لن وقتك تزعزع ثباته

سعود العصيمي

مايتوب الجذع لين العصيمي يسوقه = مار لن ماهداه الله ابا اقطع لهاته
كل سوقٍ نبيع وانشتري جوف سوقه = وان حدانا الزمن سلطان قرّب مماته

سلطان الجـذع

الجذع مرضي الحضار برقا وروقه = وانت ماسولفوا بك غير ,,, نقد ,, وشماته
بعد جهآآ الخيال اللي تكاااشف بروقه = جعلها فقر ذيب طحي ماهي غناته

سعود العصيمي

الجذع لو يرضيهم يجي فيه بوقه = والعصيمي وفي ومكملٍ واجباته
الدعاء من نصيب اهل اليدين السروقه = ياعساها فقر ذيب المحامه وجاته

سلطان الجـذع

أخو مره يذر الكحل في وسط موووقه = ولو ضحك للزمن .. ماتنترقع عباااته
كلمته جات ضده ,,, يوم غنا طروقه = يصرف العيب من ذاته صحيبي لذاته

سعود العصيمي

اخو مره ياخو هيا ماتعرف طروقه = ماتهبك هباهيب الهواء من جهاته
لايحاول يصرفها على حسب ذوقه = ما درى انه وقع في المحبله بحركاته