الهيـــــــــــــلا *** منتدى قبيلة عتيبة
صفحة 4 من 5 « الأولى 23 4 5
عرض 40 مشاركات من هذا الموضوع لكل صفحة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعر المحاورة (http://www.otaibah.net/m/forumdisplay.php?f=52)
-   -   ليل ٍ يجيبك يابو لمار جعله يعود ... (http://www.otaibah.net/m/showthread.php?t=76186)

ابو لمار 13-Aug-2008 11:58 PM
سلطان الجذع

الابداع تواجدك ياصديقي

الله لايهينك



النشمي

مرحبا بك

والرمي كله وقع ابشرك
ههههههههههههههههه


شاكر لك تواجدك

مرزوق حمدان العتيبي 14-Aug-2008 12:03 AM
...

ياسلام ياسلام ..
...


تقدح زنودك وتبرد ماشحنت الفهود = نارك علانا سلام وجاك دخانها
كنت احسب انك عن الجزلات مالك صدود = ادروسي اللي عطيتك وين برهانها

مرزوق حمدان العتيبي 14-Aug-2008 12:06 AM
اقتباس:
المشاركة الأصلية كتبت بواسطة ابو لمار (المشاركة 713185)
النشمي

مرحبا بك

والرمي كله وقع ابشرك
ههههههههههههههههه

ههههههههههههههههه الله يرجك
اجل نسوي معاهده :)


..

ابو لمار 14-Aug-2008 12:31 AM
لا واحليلك ليا ذلحين قلبك رقود = لكن سلعتك رجعها لدكانها
مسموح في الصادره واسمح لنا في الورود = وختامها يالعتيبي طيبه عانها

سعود العصيمي 14-Aug-2008 12:37 AM
مسموح في الصادره واسمح لنا في الورود
وختامهـا يالعتيـبـي طيـبـه عانـهـا




ههههههه



الله الله


ونشوف راي ابو محمد


رائعين ياثنينكم

مرزوق حمدان العتيبي 14-Aug-2008 12:41 AM
..
.
وختامهاااا بيض الله وجهك يابو لمار ...
اطربتنا الليله ... الله لايهينك ...
. واستمتعت باللعب معك يابحر ..... فالف شكر ....

السميــــــري 14-Aug-2008 12:43 AM



الله الله ..
محاورة .. غير ..
وصح لسانك يامرزوق ... مع إنا مبطين عن طواريقك ..
الشيقة .. وجابها الله الليله ..
مبدع يابو محمد ..



..

.

ابو لمار .. صح لسانك ..
وأبداع يتدفق ..
متابع لكما ..

مرزوق حمدان العتيبي 14-Aug-2008 12:45 AM
..
.

الابداع تواجدك يامشرفنا الراقي ...
..

لاهنت على حضورك .. واطراءك الذي اخجلت به تواضعنا :)

..
دمت بخير ....

معجب العتيبي 14-Aug-2008 01:00 AM
الله الله


وانا اقول اشوف المنتدى منور من مسافة عشرين كليوم متر


مرزوق الابداع والتميز


صح لسانك مدد وبيض الله وجهك


ابو لمار
ابدعت واجزلت صح لسانك مدد


شكرا لكما

معجب العتيبي 14-Aug-2008 01:24 AM
مرزوق حمدان العتيبي

يامرحبا ردة ٍ زادت على كل زود = باصحابنا اللي نسوق الطيب من شانها
ليل ٍ يجيبك يابو لمار جعله يعود = اهل الحساني نجازيها على احسانها


ابو لمار

الك البقا عد ما يثمر ثمر كل عود = والشجره الطيبه مامالت اغصانها
ترى الليالي يابن حمدان بيض(ن) وسود = والكلمه الطيبه ترجح بميزانها


مرزوق حمدان العتيبي

الله ياصاحبي يكفيك عين الحسود = فـ ..بيوتك اللي يسر العين بنيانها
خابرك رجل ٍ صدوق ولاعهدتك جحود = ثقيف من طبعها تصدق لصدقانها


ابو لمار

المدح في الوجه يامرزوق مامنه فود = بعض العرب في القفا ماتحفظ السانها
اخبرك رجل(ن) شجيع ولاخبرتك شرود = من بعد جيت العرب في جوف مرحانها


مرزوق حمدان العتيبي

بعض العرب فالقفا باحت بكل السدود = ياشين بعض العرب لاشانت الحانها
جينا وشفنا التعنصر في ديار الهنود = الله يستر على الديره وسكانها


ابو لمار

وش لون تنسى الصداقه يالصديق اللدود = وتصك في وجه ابو لمار بيبانها
في ديرة اهل الوفا وش جابكم يالزيود = الديره اللي عليكم سطو فرسانها


مرزوق حمدان العتيبي

انته صديق وطبوعك من طبوع اليهود = اللي تغيّر مع الايام فالوانها
حنا رجال ٍ نجود ونعشق لكل جود = وانته كما اللي يزينها وجا شانها


ابو لمار

هذاك طبعك وطبع اللي يخون العهود = من بعد لحيتك ذاقت موس حسّانها
اثرك نجدي وانا كنت احسبنك قعود = يالنجدي اللي غدى لقمه لسرحانها


مرزوق حمدان العتيبي

لاتستفز العتيبي ثم تهجد هجود = عشتك من فوق راسك نهدم اركانها
انا احسب انك وبر واثرك فصيلة قرود = حنا حشرنا القرود بوسط ضلعانها


ابو لمار

ان كان ياصاحبي رجعت لقدح الزنود = نرمي عليك الحطب ونشب نيرانها
اللي سواتك مع الاسياد دايم جنود = ياحية(ن) سمها في جوف نيبانها


مرزوق حمدان العتيبي

تقدح زنودك وتبرد ماشحنت الفهود = نارك علانا سلام وجاك دخانها
كنت احسب انك عن الجزلات مالك صدود = ادروسي اللي عطيتك وين برهانها


ابو لمار

لا واحليلك ليا ذلحين قلبك رقود = لكن سلعتك رجعها لدكانها
مسموح في الصادره واسمح لنا في الورود = وختامها يالعتيبي طيبه عانها


الساعة الآن »01:40 AM.
صفحة 4 من 5 « الأولى 23 4 5
عرض 40 مشاركات من هذا الموضوع لكل صفحة

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd