العمــــــدة
يا خليفة مطلق ان ما كان ودك بالصراحة =انت فعلاً في محل الراحل اللي ذاع صيته
وان بغيت الحق ما غطيت لو ربع المساحة=منهجك ماهوب منهاجه وبيتك غير بيته
خليفة مطلق
وانت لو تبغى الصراحه طير لو يرفع جناحه=مايطير وفوق راس العود ماواه ومبيته
المثل قد قال كلب القوم لو يكثر نباحه=مايضر الماطر اللي في سما ربك لقيته
العمــــــدة
عندك استعداد تنزل في ميادين الوقاحه =كان ودك بالشرا والبيع ناحر للبهيته
قايد الكنكورد مطلق وانت ما تملك وشاحه=ما انت قايد يا طويل العمر غير البسكليته
خليفة مطلق
عندي استعداد احول في الميادين المباحه=وعندي استعداد اميّع راس خشمك من فليته
انت لاصاحب سمو ولا مدير ولا سماحه=تشتغل فراش عند اللي يضرك لو عصيته
العمــــــدة
طحت في كف العذاب اللي ينسيك اي راحه=مار ابا اذكرك بالموضوع يمكنك نسيته
ارجع لوزنك على الساحه وشف حجم الكلاحه=فالمعم اللي لبسته والطريق اللي مشيته
خليفة مطلق
ياجريحٍ من صروف الوقت ماتبرى جراحه=كم سقيمٍ ذاق طعم الموت يوم اني كويته
وزنناوزن الجبال ووجهنا في الفلاحه=والمعم يسرني يوم انت راسك ماغطيته
العمــــــدة
انت طيبّ بس تطمع حاجة ماهي متاحه=واقفً لك دونها التفتيش في خط الحويته
لا تسمى باسم عنتر وانت ما تملك سلاحه=الله انه يستر الشعب الكويتي في كويته
خليفة مطلق
وانت طيب من قهرك تحك راحه فوق راحه=والمرور اعطيه رشوه في الطريق اليا مشيته
لو ماني مثل عنتر في مساه وفي صباحه=ماتلبّست القناع اللي على وجهك طويته
العمــــــدة
ما انقهرت ولا انشحنت وسامعً عندك نياحه=لا تلح الموتر اللي ماه قام يمد زيته
انت طالب فالصفوف الاولية للملاحه=ما يجوز ترز نفسك بالكتاب اللي قريته
خليفة مطلق
المريض اليا مرض قيس المرض يرفع صياحه=وانت صحت وجرحك اللي في ضميرك ماكنيته
ما يقيمني بليدٍ مادرس علم الفصاحه= خل تقييمك لمثلك دام حدك مااحتميته
العمــــــدة
وابك حدي لو يباه المعتدي تعجز رماحه=والعزيز اللي رماه الله بكفي ما رميته
كيف تستولي على الرجال وتصادر كفاحه=اثر بعض الخلق في درب الخديعة مستميته
خليفة مطلق
لاتقوله وانت مقفي تتبع الطاحه بطاحه=من مذله تسبق الرمح اللذي لاجلك بريته
مات والله يرحمه والزين مايبطل نكاحه=حسب شرع الله بنيت بها وماواها بنيته
العمــــــدة
البحر مده وجزره صعب يبغاله سباحه=لو تقاوي موجه الغلاب تبطي ما قويته
اشرب بيمناك وارفع رايتك في كل ساحه=لا تعلق فالكتوف وتسلب الشي ان هويته
خليفة مطلق
البحر خضته ببابورٍ قسم موجه وازاحه=وان لقت سنّارتي حوتٍ ينومسني شويته
نرفع الرايه بنصر ومثلكم نطلق سراحه=من كرامةنفسي الراعي لك الله ماسبيته
العمــــــدة
المراوغ لو يفيد الصيد في عرض البراحه= ما غدى من قبضة الصياد في حالة شميته
منظر الراسب على خده ولو يعلن نجاحه=لو يقـــــــول انّه لفى حامل شهاده ماهقيته
خليفة مطلق
ذاب ثلجك من زمان الصيف ياقطب السياحه=واصبحت دارك مراغه من فلان ومن ونيته
انت من عرض الرجال اللي تبا تكبح جماحه=والسبب حلمه تحقق قدم عينك يوم جيته
العمــــــدة
كان تقدر بالونيت تناحي الطوفان ناحه=وان عجزت ارجع بخيبتك وونيتك طف ليته
ان وردنا الجم نحدا اللي سواتك عن قراحه=روح رقــّع فالصميل اللي بسكيني فريته
خليفة مطلق
ياجماعة خير لو مسيلمة يمسك سجاحه=كان بالسيف الحدب وسط اليمامه ماغزيته
لو وردت الجم دلو مقيط روحتوا مراحه=والله انه مايسرك وادي السيل وثبيته
