عليـك قلبـي شفـق وعيونـي جيـاع=يالمبعـد اللـي كـل شــيٍ قـربّـك!
عليك أهد الشـوف ، وآهـل الأدمـاع=لا هبّنـي ريـح الغـلا مـن مهـبّـك!
ويحنّ لك قلبي ورى حـدب الأضـلاع=وإنتـا عليـه بخيـل ، ربّـي وربّـك!
شتّتنـي وأنـا فـي حاجـة تجـمّـاع=وجرحتنـي وآنـا أتعشـم فـي طبّـك!
وأسهرتني وأوكلـت قلبـي للأوجـاع=وأظميتني ، وأبعدتنـي عـن مصبّـك!
وأخـذت منّـي قلـب مغـرم وملتـاع=هربت به ، مدري هـو اللـي هربّـك!
وأوصلتنـي بالصـد لحـدود الإقنـاع=إنـك نويـت الشـر باللـي يحـبّـك!
وصرت آتوجس من طواريـك وأرتـاع=لا شـرّق (ا)بـك الفكـر ولاّ غربّـك!
وأغمّض عيوني من الخوف ، وأنصاع..=للنـوم ، حتـى مـا آتهـوّر وأسبّـك!
وأستغفر الله عنك ، وأعذرك ، وأبتاع..=لك من عيوني دمع ، وأبكي وأصبّـك..
علـى كفوفـي ، ثـم أقبّلـك بإمـتـاع=وأحلـف ورب البيـت بإنـي أحبّـك!!