عدنا من جديد باسئلة يحبها قلبك..



س/ من هو اقوى شاعر في المنتدى في شعر المحاورة من وجهة نظر قادح...؟ ((لاااازم جدا يا قادح..))



وش تبانا ننداديك ابو وش؟؟ولا نناديك قادح؟؟




اتمنى الاجابة يالذيب..

هلا حيا الله ذيب الهيــــلا .

بخير جعلك بخير .

بالنسبة لأسئلتك أخوي الذيب :


السؤال الأول / والله يالذيب ترى ميولي الرياضية ضعيفة لأبعد الحدود , وأنا أشجع الفريق اللي يفوز بس أهم شئ ما يكون الهلال , مع أحترامي للجماهير الهلالية . :D


السؤال الثاني / زي ما أنت عارف إني ما أشجع أي فريق معيّن , لكن أميل إلى فريق ريال مدريد الفرنسي , عشان زيدان كان يلعب معهم . :D .

السؤال الثالث / ههههههه , لا طال عمرك الطيارة مالها بوري , بس سمعت إنهم بيركبون للطيارات زينون بس . :D


السؤال الرابع / ههههههههه , والله ما أدري عن السفينة , بس أظن إنها تشتغل بمفتاح . :D


مشكووووووور على مرورك يالذيب .

شكراا اخونا قادح على الاجوبه المتميزه


الله لايهينك


عندي اسئله ثانيه


س1/ سمعنا ان هناك ثلاث شعراء بياخذون وسام النخبه قريب هم
1/ حمد بن جوباح
2/سلطان بن شلاح
3/ مرجح الميزان


مارايك في هالموظوع ؟؟؟؟


هل تعتقد انك انظلمت في عدم اعطاءك وسام نخبه مثل بقيه كبار الشعار

ومن من وجهة نظرك من يستحق وسام النخبه ولم ياخذه




س2 / قالك الفالح مره في محاوره


وقالك سلطان شلاح في محاوره ثانيه


هل تتوقع وجود تحالفات ضدك لاخراجك بصوره ضعيفه في المنتدى ياكبير

وليش كل هالحقد عليك من الشعار شكلك مبهذلهم هههههههه


ايضاا ياخوي قادح سؤال اخير / متى تزورنا في عفيف ؟


متعب المهيدلي محبك

هلا حيا الله متعب , صاحب الأسئلة النووية . :D

أبشور علاك يا متعب , تراك تصلح صحفي , ما شاء الله عليك تجيب الأسئلة بتمعن . :D .


بالنسبة لسؤالك الأول / أنا أعتقد أن الأدارة تعرف الشعراء اللي يستحقون وسام النخبة . وتعرف متى تهديهم هذا الوسام المُشرّف .

ومن أخذ الوسام بالواسطة فهو شخص يضحك على نفسه بكل أسف .

والشعراء اللي أنت ذكرتهم يا متعب أرى أنهم شعراء مميزين ويستاهلون الوسام ومبرووووك عليهم مقدما ً وإن شاء الله من تفوق إلى تفوق بأذن الله .

وأما عن نفسي أنا فأقول : إن كل شاعر يناضل في هذا المنتدى أرى أنه يتمنى وسام النخبة . وأنا من الشعّار اللي يصارع من أجل الوصول لوسام النخبة .

ووسام النخبة غالي جدا ً , وأرجوا من الأدارة أن لا تجعل هذا الوسام رخيص .

وبالنسبة لسؤالك الثاني / بالنسبة لأي شاعر محاورة ومن رأيي الشخصي , أنه إذا أ ُفلِت من يده عنان الخيل أثناء الطاروق , فيجب عليه المدافعة بأي شكل من الأشكال , مثل التقليل من شخصية الشاعر المقابل , وهذا ينطبق على بيت أخوي الشاعر القدير علي فلاح اللي أنت قلته .

أما بالنسبة لأبيات الشاعر سلطان شلاح فهو كان يهاجم بها من أجل أن يُسيطر على الطاروق , وفعلا ً تفوق وسيطر على هذاك الطاروق .

والمثل يقول (( ساحة الميدان تبغا رضاها )) . وكل شاعر ومقدوره .

لا أعتقد وجود تحالفات ضدي أبدا ً , بالعكس أنا بين أخواني وعيال عمي وجماعتي وفي حلتي . وجميع الأعضاء أو الشعراء عدهم الله أخواني .

بالنسبة للسؤال الأخير / إن شاء الله , إذا ربي يسر الأمور جيت عفيف خلال هالصيفية .


مشكوووووووور أخوي متعب على أهتمامك وعلى متابعتك وعلى تشريفك للموضوع , وعقبال ما يجيبك الله على هالكرسي . :D

تحياتي لك .