ان كان قسمي ياطويل العمر بقرة ماعليه =لقيتها في ديرة العتبان بيضان الوجيه
يابقرتي يابقرتي هاني حبالك في يديه =قال المثل من ذاقها مره ماعـاد يعودهـا

ان وقعت فاللحم وان وقعت فالعظام =يبي يعود سعود يّون من كيته
والله ماعندكم فالوقت غير الكلام =عقولكم فارغه ووجيهكم ميته

في ديرة العتبان قسمك رمح من بين المتون = والله يعينك ياهويني لوربعك يعلمون
ايقلعون الك السنون ويدهنونك بالدهون = قال المثل من ذاقها مره ماعاد يعودها

النار في محزمي وانته بليا حزام = واللي سواتك ياهاني نكسر ايديته
حنا رجال الفعل حنا عزاز المقام = والحضر قوم البقر كلٍ على هيته

ان كان عندك رمح ضربه يالعصيمي منك فيك =والا البخاري في محله ماتجيه ولايجيك
وان جات قلطت الشحم لضيوف دارك ..ماعليك =قال المثل من ذاقها مـره ماعـاد يعودهـا

والله لحرم عيونك من لذيذ المنام =الليلة الغار دابه يلعب بحيته
ياسعود ترى البقر محميته في سنام = نبي نرد العصيمي وسط محميته

مانته بناسي ماذكرنا لك من الوقت القديم = والوقت هذا سدني عن وجهك الوجه الكريم
حتى لوانك دسم والا تدفع الشيك الدسيم = قال المثل من ذاقها مره معاد يعودها

اقول من محزمي والله علي الحرام = انك لتبطي عظم واللحيه امزيته
سنام محميته تطلا جنوب الهيام = وانته وشرواك مايارد على ميته