علي العضياني =
سعود العصيمي بيني و بينـه علـوم=نبا نبتـدي نكشـف ملـفّ القضيّـه
ما عيّنت كسرى الفرس يا قيصر الروم=اشوفه يزورك كـل صبـح و عشيّـه

سعودالعصيمي=
كلام العضياني على طـول مفهـوم=ولابينـي وبينـه علـوم ٍ رديــة
يقولون كسري ظاف مرزوق معزوم=وعشاه عشر من الغنم مـع لقيـه

علي العضياني =
طيور السعد يا صاحبي تكسر الحوم=على جمّة البيـر القـراح الرهيّـه
ترى صحبةٍ ماهي على دين و سلوم=تلاشـى و لـوّ إنّ العلاقـه قويّـه

سعودالعصيمي=
اظن الحرار الشقر ماتشبه البوم =مع الحر الاشقر ما توقع عليه
انا كم وكم قلت الك تصحى من النوم = لكنك تناسى علمنا في شويه

علي العضياني =
علومٍ قديمه ماهي من أمس و اليوم=تموت الضحيّه في عيـاد الضّحيّـه
صلاتك لا تقطعها و لا تجرح الصوم=و اقول اخلص اعمالك للربّ البريّه

سعودالعصيمي=
ابو زيد سيفه من شقى الوقت مثلوم = عسى الله يعينك يالنفوس الشقيه
ليا مارحمك الله مانته بمرحوم = مادامك تعاملني بعشرين نيه

علي العضياني =
أبو زيد لو يغيـر و يصبّـح القـوم=نقول انّ مـا مثلـه و لا فيـه زيّـه
ترى الموت له ميعاد و الرزق مقسوم=ورى مـا تورّدهـا حيـاض المنيّـه

سعودالعصيمي=
دجى الليل من يسريه والراس منجوم = عليه الخطر مابين هاذي وذيه
صحيح الرزق مقسوم والاجل محتوم = ولن قام عنتر قام جنبه خويه

علي العضياني =
ترى الادمي ماهو من الذنب معصوم=الاعمال منتصفات حسنـه و سيّـه
عبيريد جنبه قاسي و عنده عـزوم=و لكن راسه خالـي مـن الحميّـه

سعودالعصيمي=
انا ادري ان خلق الله معطى ومحروم = لكن السعاده للنفوس الرضيه
والا ياعلي وش قصة اوخيّك التوم = وش العلم جعل اللي سمعنا دعيه