معجب العتيبي

الليله اشوف مقعد جالس مع الجلوس=بيني وبينه سوالف ودي ادخل لها
انا ادري انك يابو فيصل فطين وحسوس=لكنّ ابا اعدها واهلّها كلها

مقعد الدغيلبي

مانيب جالس نويت اعطيك بعض الدروس=واصغ الاذاني يامعجب زين وافطلها
علم الحيا يالعتيبي مع ثقات العسوس =لعلها تجيب علم الخير لعلها

معجب العتيبي

مايعطي الدرس غير محببٍ للنفوس=وانته تزيد الغثا للنفس وتعلّها
البارحه جبتلك يافلان شلقة تيوس=واثرك جفلتها وتقول ابرطن لها

مقعد الدغيلبي

يالصاحب اللي تلبّس كل ليله لبوس=ايديدنك انشلها وعيونك نخلها
مابين وجه (ن)رضي وبين وجه(ن)عبوس=احرفلها بالعقل والفكر وادفنلها

معجب العتيبي

في كل موقف لنا مذهب يسر وطقوس=واشكالك من العرب لاضاعت اندلها
الدرب واضح ولايمكن تلف وتحوس=امانةٍ في يدينك كيف تحتلها

مقعد الدغيلبي

يامعجب انته تراجع عند طب الظروس=قت انت وشفيك وانت تقول طبلها
انته تقوله لكن الدرب صار معكوس=مافيه دارٍ بدون اسلاح تحتلها

معجب العتيبي

الضرس لاضر يامقعد وجا فيه سوس=من بين كل الضروس يشال وازين لها
الحرب راحت وسموها حروب البسوس=واليوم بعض الدير بالصوت ناصل لها

مقعد الدغيلبي

ترى النحاسه تحصل في جبين النحوس=يامل عين السهر والعشق ياملها
ذكرتني ياعميلي من يحلب الديوس=وان جيتهم قلها عن علمنا قلها

معجب العتيبي

لابيّنت في جبينك مثل شمس الشموس=تتقول ياليتها مادورت خلها
سعر الذهب ياعميلي ينعرف بالفلوس=وبعض السلع ياولد تبقا على حلها