سلم على اللي ضحك لك ياطويل العمر= صرت بمكانه عظيمه ماانت هاقي بها
لو بالبضايع فوايد يوم راحت مصر= مارجعوها هل الصنف لمعازيبها

يمديك تأخذ من الواقع دروس وعبر =ترى اللحا طيبها من حـــظ أشنابيها
ماصايبك يالبنـــادم غير سهم القدر =واهل الهــــناديب ماتترك هناديبها

مغنيني الرب طال الهرج والا قصر= يوم الاسامي تكبر قدر اصاحيبها
من بعد ماثار فيك الشك هاك العذر=جعل الليالي تفيدك من تجاريبها

اليا فقدت البصيرة مانفعك البصر =تمرك الصبح وانته ماانت دراي بها
ماعاد عندك خبر لكن دربك خضر =طيور شلوى سرت بك في مخاليبها

لاصار ماانته بسباح تغوص البحر = لاشفت الامواج ياخي قول مالي بها
شلفا ابن غانم بعد ماركزت بالنحر= الضحك ماهو بمبري لك مصاويبها